கிரீன்வேஸ் சாலையில் உள்ள முதலமைச்சர் இல்ல முகாம் அலுவலகத்தில், சீனாவில் உள்ள பீஜிங்கை தலைமையிடமாகக் கொண்டு செயல்படும், ஆசிய உட்கட்டமைப்பு முதலீட்டு வங்கியின் துணைத் தலைவர் பாண்டியன், தலைமை இயக்குநர் யீ யான் பாங் ஆகியோர் முதலமைச்சர் எடப்பாடி பழனிசாமியை இன்று சந்தித்தனர். அப்போது, தமிழகத்தில் முக்கிய உட்கட்டமைப்பு திட்டங்களுக்குத் தேவையான நிதி பெறுவது தொடர்பாக ஆசிய வங்கி அதிகாரிகளுடன் முதலமைச்சர் எடப்பாடி பழனிசாமி ஆலோசனை நடத்தினார்.
சாலை, மேம்பாலம், மெட்ரோ தொடர்வண்டி, குடிநீர் உள்ளிட்ட உட்கட்டமைப்பு வசதிகளை மேம்படுத்துவது தொடர்பாக இச்சந்திப்பின்போது ஆலோசிக்கப்பட்டது. அப்போது தமிழ்நாடு அரசின் தலைமைச் செயலாளர் சண்முகம், நிதித்துறைச் செயலாளர் கிருஷ்ணன், பொதுப்பணித்துறைச் செயலாளர் மணிவாசன் ஆகியோர் உடன் இருந்தனர்.
இதையும் படிங்க: முடிவில்லா சோழர்கள்; முசிறியில் தடயங்கள்...
