சென்னையில் பள்ளி பேருந்துகளின் தரம் குறித்து ஆய்வு

சென்னை: கோடை விடுமுறை முடிந்து அரசு, தனியார் பள்ளிகள் ஜூன் 1ஆம் தேதி திறக்கப்பட உள்ள நிலையில், தனியார் பள்ளி வாகனங்களின் தரம் குறித்து ஆய்வு மேற்கொள்ளப்பட்டுள்ளது.

அதன் ஒரு பகுதியாக பூவிருந்தவல்லி வட்டாரப் போக்குவரத்து அலுவலகத்திற்குட்பட்ட ஆவடி, பூவிருந்தவல்லி, மதுரவாயல் உள்ளிட்ட பகுதிகளில் 66 தனியார் பள்ளிகளைச் சார்ந்த 348 வாகனங்களில் 255-க்கும் மேற்பட்ட வாகனங்கள் ஆய்வுக்கு உட்படுத்தப்பட்டன.

இதனை பூவிருந்தவல்லி வட்டாரப் போக்குவரத்து அலுவலர் சம்பத் ஆய்வு செய்து வாகனங்களில் அவசர கால வழி, படிக்கட்டுகள், சீட்டுகள், தீயணைப்புக் கருவிகள் என அனைத்தும் கவனிக்கப்பட்டது. முறையாக இல்லாத 13 வாகனங்கள் திருப்பி அனுப்பட்டன. அனுமதி மறுக்கப்பட்ட வாகனங்களின் குறைகளை சீர் செய்து மீண்டும் ஆய்வுக்கு கொண்டு வர அறிவுறுத்தப்பட்டது.

பள்ளி மாணவர்களை வாகனங்களில் முறையாக ஏற்றிச் செல்ல வேண்டும், மாணவர்கள் இறங்கி சென்று விட்டார்களா என்பதை உறுதி செய்தபிறகே வாகனத்தை இயக்க வேண்டும், வாகனத்தில் மாணவர்களை அழைத்து செல்லும் ஓட்டுநர் அதிக வயதுடையவராக இருக்கக்கூடாது என பள்ளி நிர்வாகத்திற்கு அறிவுறுத்தப்பட்டது.

இதனைத் தொடர்ந்து பள்ளி வாகன ஓட்டுநர்களுக்கு கண்பார்வை தெளிவாக தெரிகிறதா என்பதை உறுதிசெய்ய அவர்களுக்கு கண் பரிசோதனை செய்யப்பட்டது.