மருத்துவம் சார்ந்த பட்டப் படிப்புகளான பி.எஸ்சி நர்சிங், பி.பார்ம், பி.ஏ.எஸ்.எல்.பி,( செவித்திறன் பேச்சு மற்றும் மொழி நோய் குறியியல் பட்டப்படிப்பு), பி.பி.டி, பி.எஸ்.சி ரேடியோகிராபி மற்றும் இமேஜிங் டெக்னாலஜி, ரேடியோ டெக்னாலஜி உள்ளிட்ட பட்டப் படிப்புகளில் மாணவர்களை சேர்ப்பதற்கான விண்ணப்பங்கள் இன்று காலை 10 மணி முதல் 19ஆம் தேதி வரை வழங்கபட உள்ளதாக மருத்துவக் கல்வி இயக்ககம் அறிவித்துள்ளது.
மேலும், www.tn.health.org, www.tnmedicalselection.org என்ற இணையதளங்களிலும் விண்ணப்பங்களை பதிவிறக்கம் செய்து கொள்ளலாம் எனவும், விண்ணப்பக் கட்டணமாக 400 ரூபாய் வங்கி மூலம் செலுத்தலாம் எனவும் தெரிவிக்கப்பட்டுள்ளது.
பதிவிறக்கம் செய்யப்பட்ட விண்ணப்பங்களை பூர்த்தி செய்து உரிய ஆவணங்களுடன் 21ஆம் தேதி மாலை 5 மணிக்குள் செயலர் தேர்வு குழு மருத்துவக் கல்வி இயக்ககம், கீழ்ப்பாக்கம் என்ற முகவரிக்கு வந்து சேரும் வகையில் அனுப்பி வைக்க வேண்டும் எனவும், குறிப்பிட்ட நேரத்திற்குள் வராத விண்ணப்பங்கள் பரிசீலனைக்கு எடுத்துக்கொள்ளப்பட மாட்டாது எனவும் கூறப்பட்டுள்ளது.
மேலும் விண்ணப்பங்களை பூர்த்தி செய்வதில் ஏதாவது சந்தேகம் ஏற்பட்டால் 9884224648, 9884224694, 9884224745, 9884224746 என்ற தொலைபேசி எண்களுக்கு தொடர்பு கொண்டு தெரிந்து கொள்ளலாம் என மருத்துவக் கல்வி இயக்ககம் அறிவித்துள்ளது.
