அரசு கலை மற்றும் அறிவியல் கல்லூரிகளில் சேர இன்று மாலை 6 மணி முதல் இணைய வழியில் விண்ணப்பிக்கலாம் என்று கல்லூரி கல்வி இயக்ககம் தெரிவித்துள்ளது. அதன்படி, ’www.tngasa.in, www.dceonline.org’ ஆகிய இணையதளங்களில் மாணவர்கள் ஜூலை 31ஆம் தேதி வரை விண்ணப்பிக்கலாம்.
மேலும், மாணவர்கள் இணையதள வாயிலாகச் சான்றிதழ்களை ஜூலை 25 முதல் ஆகஸ்ட் 5 ஆம் தேதி வரை பதிவேற்றலாம். பொதுப்பிரிவினருக்கு விண்ணப்பக் கட்டணமாக 48 ரூபாயும், பதிவுக் கட்டணமாக 2 ரூபாயும், பட்டியல் பிரிவினருக்கு பதிவு கட்டணம் மட்டும் நிர்ணயிக்கப்பட்டுள்ளது.
இணைய வழியில் கட்டணம் செலுத்த இயலாத மாணவர்கள் மாவட்ட சேர்க்கை சேவை மையங்களில், ‘The director, directorate of collegiate education, chennai-6’ என்ற பெயரில் ஜூலை 18 அல்லது அதற்குப் பின்னர் எடுக்கப்பட்ட வங்கி வரைவோலையை வழங்கலாம் அல்லது நேரடியாகவும் கட்டணம் செலுத்தலாம். மேலும் அரசு இ-சேவை மையம் மூலமும் விண்ணப்பம் செய்ய வசதிகள் செய்யப்பட்டுள்ளன.
இவ்வாறு கல்லூரி கல்வி இயக்ககம் தெரிவித்துள்ளது.
இதையும் படிங்க: 'திருக்குறளை தேசிய நூலாக அறிவிக்க வேண்டும்' - பேராசிரியர் கு.ஞானசம்பந்தன்
