சன் பிக்சர்ஸ் தயாரிப்பில் நடிகர் ராகவா லாரன்ஸ் இயக்கி, நடித்துள்ள திரைப்படம் ‘காஞ்சனா 3’. இந்த படத்தில் நடிகைஓவியா, வேதிகா, கோவை சரளா, ஸ்ரீமன், தேவதர்ஷினி உள்ளிட்ட பலர் நடித்துள்ளனர்.கோடை விடுமுறையை முன்னிட்டு வரும் ஏப்.19ஆம் தேதி இத்திரைப்படம் வெளியாக உள்ளது.
இந்நிலையில், இத்திரைப்படத்தின்இசை வெளியீட்டு விழா மிக எளிய முறையில் சென்னையில் நடைபெற்றுள்ளது. பிரம்மாண்ட இசை வெளியீட்டு விழாவை தவிர்க்குமாறு சன் பிக்சர்ஸ் நிர்வாகத்திடம் கேட்டுக் கொண்ட ராகவா லாரன்ஸ், இசை வெளியீட்டிற்கு செலவாகும் தொகையை ஆதரவற்ற திருநங்கைகளுக்கு வழங்கி உதவ ஏற்பாடு செய்துள்ளார்.
அந்த தொகையின் மூலம் ஆதரவற்ற திருநங்கைகளுக்குவீடு கட்டித் தருவதற்காக, மீஞ்சூரில் உள்ள 1.25 கிரவுண்ட் நிலத்தையும் லாரன்ஸ் வழங்கியுள்ளார்.
நாம் திருநங்கைகளின் ஆசிர்வாதத்தை மிகப்பெரிய வரமாக நினைப்பவர்கள். அதனால் அவர்கள் ஆசிர்வாதம் வேண்டுபவர்கள் தங்களால் இயன்ற உதவியை அளித்து, அவர்களுக்கு வாழ வழி செய்தால் புண்ணியம் கிடைக்கும் என ராகவா லாரன்ஸ் கேட்டுக் கொண்டுள்ளார்.
