இந்திய பங்குச்சந்தை நிலவரம்: தொடர்ந்து உயர்வை சந்தித்துவரும் பங்குச்சந்தைகள்!

வாரத்தின் இரண்டாம் நாளான இன்றும் இந்திய பங்குச்சந்தைகள் உயர்வுடன் வர்த்தகமாகின.

வாரத்தின் இரண்டாம் நாள் வர்த்தக முடிவில் சென்செக்ஸ் 113 புள்ளிகள் (0.28 விழுக்காடு) உயர்ந்து 40,544.37 புள்ளியிலும், தேசியப் பங்குச்சந்தை குறியீட்டு எண் நிஃப்டி 23.75 புள்ளிகள் (0.20 விழுக்காடு) உயர்ந்து 11,896.80 புள்ளியிலும் வர்த்தகம் நிறைவடைந்தது.

ஏற்றம், இறக்கம் கண்ட பங்குகள்:

அதிகபட்சமாக ஹெச்.சி.எல் பங்குகள் 4.29 விழுக்காடு உயர்வைச் சந்தித்தது. அதற்கு அடுத்தபடியாக டெக் மஹேந்திரா, ஏசியன் பெயிண்ட்ஸ், பாரதி ஏர்டெல், ஹெச்.டி.எஃப்.சி வங்கி உள்ளிட்ட நிறுவனங்களின் பங்குகள் அதிக உயர்வைச் சந்தித்தன. அதேவேளை பிரிட்டானியா, ஓ.என்.ஜி.சி., கெயில் இந்தியன் ஆயில் உள்ளிட்ட நிறுவனங்களின் பங்குகளும் சரிவைக் கண்டன.

தங்கம், வெள்ளி நிலவரம்:

சென்னையில் 22 கேரட் 10 கிராம் ஆபரணத் தங்கத்தின் விலை ரூ.46,700-க்கு விற்பனையானது. வெள்ளியின் விலை ஒரு கிலோ ரூ.62,000-க்கு விற்பனையானது.

பெட்ரோல், டீசல் விலை:

சென்னையில் ஒரு லிட்டர் பெட்ரோல் ரூ.84.14-க்கும், டீசல் ரூ.75.95-க்கும் விற்பனையாகிறது.

இதையும் படிங்க: குறைந்த வட்டியில் விவசாயிகளுக்கு 1.35 லட்சம் கோடி ரூபாய் கடன் - மத்திய நிதியமைச்சகம்