மும்பை: வீட்டுக் கடன்களுக்கு 25 பிபிஎஸ் வரை வட்டி விகித சலுகையை அறிவித்துள்ளது எஸ்.பி.ஐ.
எஸ்.பி.ஐ.,யில் ரூ.70 லட்சத்திற்கு மேல் வீட்டுக் கடன்களுக்கு 20 பிபிஎஸ் வரை கடன் மதிப்பெண் அடிப்படையிலான சலுகைகள் வழங்கப்படும். ஸ்டேட் வங்கியின் செயலியான யோனோ மூலம் விண்ணப்பம் செய்தால், வட்டியில் கூடுதலாக 5 புள்ளிகள் சலுகை தரப்படும் என ஸ்டேட் வங்கி அறிவித்துள்ளது.
தங்கக் கடனைத் தேர்ந்தெடுக்கும் வாடிக்கையாளர்களுக்கு 36 மாதங்கள் வரை 7.5 விழுக்காடு வட்டி விகிதத்தில் நெகிழ்வான திருப்பிச் செலுத்தும் வகையில்சலுகைகள் வழங்கப்படும்.
முன்னதாக, வங்கி தனது யோனோ இயங்குதளத்தின் மூலம் ஆட்டோ, தங்கம், தனிநபர் கடன்களுக்கு விண்ணப்பிக்கும் அனைத்து வாடிக்கையாளர்களுக்கும் செயலாக்க கட்டணத்தில் 100 விழுக்காடு தள்ளுபடி செய்வதாக அறிவித்திருந்தது.
இதற்கிடையில், தனிநபர் கடன்களுக்கான கடன் விகிதங்கள் 9.6 விழுக்காட்டிலிருந்து தொடங்கும் என்று வங்கியின் செய்திக்குறிப்பில் தெரிவிக்கப்பட்டுள்ளது.
இதையும் படிங்க: விவசாய கடன் : புதிய நடைமுறை குறித்து விளக்கமளிக்க அரசுக்கு நீதிமன்றம் உத்தரவு!
