டிசம்பர் மாதம் இறுதிவரை வெங்காய விலை குறையாது. ஆனால், ஒரு ஆறுதல் செய்தி உள்ளது!

டெல்லி: வெளிநாட்டில் இருந்து இறக்குமதி செய்யப்படும் வெங்காயத்தில் அளவு குறைக்கப்பட்டுள்ள நிலையில், இந்தாண்டு இறுதிவரை வெங்காயத்தின் விலை குறையாது என்றும் ஆனால், உருளைக்கிழங்கின் விலை குறையும் என்றும் வர்த்தகர்கள் தெரிவிக்கின்றனர்.

வெளிநாட்டில் இருந்து இறக்குமதி செய்யப்படும் வெங்காயத்தின் அளவு குறைக்கப்பட்டுள்ள நிலையில், வெங்காயத்தின் விலை இந்தாண்டு இறுதிவரையில் வீழ்ச்சியை சந்திக்காது என வர்த்தகர்கள் தெரிவிக்கின்றனர். தற்போது, சில்லறை விற்பனையில் வெங்காயத்தின் விலை கிலோ 50 முதல் 70 ரூபாய்வரை விற்பனை செய்யப்பட்டு வருகிறது. மொத்த விற்பனையில் கிலோ வெங்காயம் 15 முதல் 47.5 ரூபாய்வரை விற்பனை செய்யப்படுகிறது.

கடந்த சில நாள்களாக உள்ளூரில் உற்பத்தி செய்யப்படும் வெங்காயத்தின் விநியோகம் அதிகரித்துள்ளதால், இறக்குமதி செய்யப்படும் வெங்காயத்தின் அளவு குறைந்துள்ளது.

தோட்டக்கலை உற்பத்தி ஏற்றுமதியாளர்கள் சங்கத்தின் தலைவர் அஜித் ஷா பேசுகையில், "வெங்காய இறக்குமதி நிறுத்தப்படவில்லை. ஆனால், இறக்குமதியின் அளவு குறைக்கப்பட்டுள்ளது. இந்த வாரமும் துருக்கியிலிருந்து வெங்காயம் இறக்குமதி செய்யப்பட்டுள்ளது. தற்போது, விநியோகிக்கப்படும் பெரும்பாலான வெங்காயங்கள் ராஜஸ்தானில் உற்பத்தியானவை.