'அரசு மருத்துவமனைகளில் தரமான உணவு வழங்கப்படுகிறது' - அமைச்சர் மல்லாடி கிருஷ்ணாராவ்!

புதுச்சேரி: அரசு கரோனா மருத்துவமனைகளில் தரமான உணவு வழங்கப்படுவதாக புதுச்சேரி சுகாதாரத் துறை அமைச்சர் மல்லாடி கிருஷ்ணாராவ் தெரிவித்துள்ளார்.

அரசு கரோனா மருத்துவமனைகளில் தரமான உணவு வழங்கப்படுவதாக புதுச்சேரி சுகாதாரத் துறை அமைச்சர் மல்லாடி கிருஷ்ணாராவ் தெரிவித்துள்ளார்.

இது குறித்து அவர் வெளியிட்டுள்ள வீடியோ பதிவில், "புதுச்சேரியில் ஒரே நாளில் 80 பேருக்கு கரோனா தொற்று ஏற்பட்டுள்ளது. இதில் 76 பேர் புதுச்சேரியைச் சேர்ந்தவர்கள். கடந்த 105 நாள்களில் இதுவே அதிகபட்சமாகும். இந்நிலையில், புதுச்சேரி கிருஷ்ணா நகரைச் சேர்ந்த 53 வயதுடைய நபர் கரோனாவால் உயிரிழந்தார். இதன் மூலம் கரோனாவால் உயிரிழந்தவர்களின் எண்ணிக்கை 14ஆக உயர்ந்துள்ளது.