திருவள்ளூர் மாவட்டம், கும்மிடிப்பூண்டி காவல் நிலைய எல்லைக்குட்பட்ட பகுதியில் மதுவிலக்கு அமலாக்கப் பிரிவு காவல் துறையினர் வாகனச் சோதனையில் ஈடுபட்டனர்.
அப்போது, 50 ஆயிரம் ரூபாய் மதிப்பிலான 288 மதுபாட்டில்கள் கடத்தி வந்த ஆட்டோவை உதவி காவல் ஆய்வாளர் புகழேந்தி, காவலர் நாகராஜன், வேல்முருகன் ஆகியோர் சுற்றி வளைத்து பிடித்தனர். இதையடுத்து, காவல் துறையினர் மதுபாட்டில்கள் கடத்தி வந்த இருவரை கைது செய்து ஆட்டோவை பறிமுதல் செய்தனர்.
பின்னர் இதுகுறித்து வழக்குப்பதிவு செய்த காவல் துறையினர் மதுபாட்டில்கள் கடத்தல் குறித்து வேறு யாருக்காவது தொடர்பு உள்ளதா என்ற கோணத்தில் விசாரணை மேற்கொண்டு வருகின்றனர்.
இதையும் படிங்க: சென்னையில் கஞ்சா விற்பனை: 19 பேர் கைது!
