திருச்சியில் அண்ணாவின் 112ஆவது பிறந்தநாள் விழா கொண்டாடப்பட்டது. மண்ணச்சநல்லுாா் வடக்கு மாவட்ட திமுக இளைஞர் அணியைச் சேர்ந்த அசோக்ராஜ் தலைமையிலான திமுகவினர் பல்வேறு இடங்களில் உள்ள அண்ணாவின் திருவுருவ சிலைக்கு மாலை அணிவித்து மரியாதை செய்தனர்.
இதையடுத்து மாவட்ட திமுகவினர் குளத்துக்கரையில் ஆயிரம் பனை விதைகளை நட்டனர்.
இது குறித்து செய்தியாளர்களிடம் அசோக் ராஜா கூறுகையில், "ஒரு லட்சம் மரக்கன்றுகளை நடுவதற்கு திட்டமிட்டுள்ளோம். முதற்கட்டமாக ஆயிரம் பனை விதைகளை நட்டுள்ளோம்.
தொடர்ந்து 35 ஊரட்சிகளில் வாரம் ஒருமுறை பனை விதைகளை நடுவோம்" என்றார்.
இந்த நிகழ்ச்சியில் மண்ணச்சநல்லுாா் கிழக்கு ஒன்றிய செயலாளர் இளங்கோவன், ஒன்றிய துணை செயலாளர் வரதராஜன், முன்னாள் சேர்மன் சீத்தா இளங்கோவன் உள்ளிட்டோர் கலந்துகொண்டனர்.
