அரசியலுக்கு வருவேன் - இயக்குநர் பார்த்திபன்

எதிர்காலத்தில் தான் அரசியலுக்கு வருவேன் என நடிகரும், இயக்குநருமான பார்த்திபன் தெரிவித்துள்ளார்.

புதுச்சேரி : புதுச்சேரி அரசின் செய்தி மற்றும் விளம்பரத்துறை, நவதர்ஷன் திரைப்படக் கழகம் மற்றும் அலையன்ஸ் பிரான்சிஸ் நிறுவனம் இணைந்து ஆண்டுதோறும் இந்திய திரைப்பட விழாவை நடத்தி வருகிறது. இந்த விழாவில் சிறந்த திரைப்படத்திற்கு "ஸ்ரீ சங்கரதாஸ் சுவாமிகள் பெயரில் ஒவ்வொரு ஆண்டும் விருது வழங்கப்பட்டு வருகிறது. அந்த வகையில், கடந்த 2019ஆம் ஆண்டிற்கான சிறந்த படமாக "ஒத்த செருப்பு அளவு 7" என்கிற தமிழ் திரைப்படத்திற்கு இந்த விருது அறிவிக்கப்பட்டது.

இந்நிலையில் இன்று (டிசம்பர் 15) நடைபெற்ற இந்த விருது வழங்கும் நிகழ்ச்சியில், அம்மாநில வருவாய்துறை அமைச்சர் ஷாஜகான் ஒத்த செருப்பு படத்தின் நடிகரும், இயக்குநருமான பார்த்திபனுக்கு விருதினையும், ஒரு லட்சம் ரூபாய் ரொக்க பரிசையும் வழங்கி கவுரவித்தார்.

இதன் பின்னர் மேடையில் உரையாற்றிய பார்த்திபன், "விழாவில் ஒரு குத்து விளக்கு ஏற்ற பல குச்சிகள் தேவைப்படுகின்றன. அஜித், விஜய் படங்கள் பரபரப்பாக ஓடும் காலத்தில் ஒத்த செருப்பு போன்ற படங்கள் தோல்வி அடைந்ததை கண்டு நிறைய கற்றுக்கொண்டுள்ளேன். தோல்விகளால் துவண்டு போக வேண்டாம். தோல்வியால் ஏற்படும் மன உளைச்சலால் தற்கொலை போன்ற முடிவுகளுக்கு செல்ல கூடாது.