ஹைதராபாத்: கரோனா தொற்றின் இரண்டாம் அலை குறைந்துவரும் நிலையில், உலகம் முழுவதும் மெல்ல மெல்ல இயல்பு வாழ்க்கை திரும்பி வந்தது. இதனிடையே கரோனா உருமாற்றம் அடைந்து டெல்டா, டெல்டா பிளஸ் என்று மக்களிடையே பீதியை கிளப்பியது. இந்த தொற்றுகளும் ஓய்ந்த நிலையில் உருமாறிய ஒமைக்ரான் வைரஸ் உலக நாடுகளை அச்சுறுத்தி வருகிறது.
தென் ஆப்பிரிக்காவில் அடையாளம் காணப்பட்ட ஒமைக்ரான் வெறும் 2 வாரத்தில் போட்ஸ்வானா, ஹாங்காங், சீனா, ஜப்பான், இந்தியா, பிரிட்டன் உள்ளிட்ட 91 நாடுகளில் பரவியுள்ளது. இந்தியாவில் ஒமைக்ரான் தொற்றால் பாதிக்கப்பட்டோரின் எண்ணிக்கை 100 கடந்துள்ளது.
டெல்லி, ஆந்திரா, சண்டிகர், மகாராஷ்டிரா, கர்நாடகா உள்ளிட்ட மாநிலங்களில் பாதிப்பு அதிமாக உள்ளது. குறிப்பாக மாகாராஷ்டிராவில் 32 பேருக்கு தொற்று உள்ளது. இந்த நிலையில் தெலங்கானாவில் ஒமைக்ரான் பாதிப்பு அதிவேகமாக பரவிவருகிறது. நேற்று நிலவரப்படி 8 பேருக்கு மட்டுமே தொற்று உறுதியாகி இருந்த நிலையில், இன்று புதிதாக 12 பேருக்கு தொற்று உறுதி செய்யப்பட்டுள்ளது. இதனால் அம்மாநில மக்கள் பெரும் அச்சத்தில் உள்ளனர்.
இதையும் படிங்க: இந்தியாவில் 100ஐ கடந்த ஒமைக்ரான்
