மூன்று பயங்கரவாதிகள் சுட்டுக்கொலை - ஜம்மு காஷ்மீர் காவல்துறை

இன்று நடைபெற்ற சோதனையில் மூன்று பயங்கரவாதிகள் சுட்டு வீழ்த்தப்பட்டதாக ஜம்மு காஷ்மீர் காவல்துறை தெரிவித்துள்ளது.

ஜம்மு காஷ்மீரில் உள்ள ராம்பாக் பகுதியில் காவல்துறையுடன் பாதுகாப்புப் படையினர் இணைந்து தேடுதல் வேட்டை நடத்தினர். அங்குள்ள மறைவிடத்தில் பயங்கரவாதிகள் பதுங்கியிருந்தது இந்த சோதனையின்போது தெரியவந்துள்ளது.

பாதுகாப்புப் படையினரை பார்த்ததும் பயங்கரவாதிகள் துப்பாக்கியால் சுடத்தொடங்கியுள்ளனர். பின்னர், பாதுகாப்புப் படையினரும் பதிலுக்குத் தாக்குதல் நடத்த இரு தரப்புக்கும் இடையே அரை மணிநேரம் மோதல் வெடித்தது.

இதில் மூன்று பயங்கரவாதிகள் கொல்லப்பட்டதாக காவல்துறை தெரிவித்துள்ளது. கொல்லப்பட்ட நபர்களின் விவரத்தை காவல்துறை தரப்பு இன்னும் வெளியிடவில்லை.

இதையும் படிங்க: ACB Raid in Karnataka: ட்ரைனேஜ் பைப்பில் பணம் பதுக்கி வைப்பு