கனடாவில் தெலங்கானா மாணவர் தற்கொலை!

நல்கொண்டா: கனடாவில் தெலங்கானவைச் சேர்ந்த பிரவீன் ராவ் எனும் மாணவர் கட்டடம் ஒன்றின் மாடியில் இருந்து குதித்து தற்கொலை செய்துகொண்டார்.

தெலங்கானா மாநிலம் நல்கொண்டா மாவட்டம் அகுதோடபள்ளி கிராமத்தைச் சேர்ந்த பிரவீன் ராவ், 2015ஆம் ஆண்டு உயர் படிப்புக்காக கனடா சென்றிருந்தார்.

இந்நிலையில் கனடாவில் திடீரென ஒரு கட்டடத்தின் மாடியில் இருந்து குதித்து தற்கொலை செய்து கொண்டார். இதுகுறித்து இன்று (ஏப்.1) பிரவீன் ராவின் குடும்பத்தினருக்கு, அவரது நண்பர்கள் தகவல் தெரிவித்தனர்.

இன்னும் பிரவீன் ராவின் தற்கொலைக்கான காரணம் குறித்து தெரியவில்லை. அவரது உடலை இந்தியா கொண்டுவருவதற்கான ஏற்பாடுகள் நடைபெற்று வருவதாகவும் அவரது குடும்பத்தினர் தெரிவித்துள்ளனர்.

இதையும் படிங்க: 'சிவாஜி'க்கு பால்கே விருது கிடைத்தது எப்படி? - இயக்குநர் இமயத்தின் ருசிகர தகவல்!