சென்னை: தனுஷ் குறித்து நயன்தாரா வெளியிட்ட அறிக்கை தற்போது தமிழ் சினிமா வட்டாரத்தில் பெரும் பரபரப்பை ஏற்படுத்தியிருக்கும் நிலையில், தயாரிப்பாளர் ஆகாஷ் பாஸ்கரன் திருமணத்தில் தனுஷ் நயன்தாரா இருவரும் ஒரே வரிசையில் அமர்ந்திருக்கும் காணொளிகள் இணையத்தில் வைரலாகி வருகிறது.
பின்னணி என்ன? நடிகை நயன்தாரா மற்றும் இயக்குநர் விக்னேஷ் சிவன் இருவரும் காதலித்து திருமணம் செய்து கொண்டனர். இந்த நிலையில் நயன்தாரா பற்றிய ஆவணப் படம் சமீபத்தில் 'Nayanthara Beyond The Fairy Tale' நெட்பிளிக்ஸ் ஓடிடி தளத்தில் வெளியிடப்பட்டுள்ளது. இந்த ஆவணப் படத்தில் 'நானும் ரவுடிதான்' படத்தின் காட்சி பயன்படுத்தப்பட்டுள்ளது.
ஆனால் இந்த காட்சிகளுக்கான என்ஓசி சான்றிதழை அப்படத்தின் தயாரிப்பாளர் தனுஷ் வழங்கவில்லை. அதையும் மீறி சில காட்சிகள் இடம் பெற்றது. இதனை எதிர்த்து நடிகரும் தயாரிப்பாளருமான தனுஷ் நஷ்ட ஈடு கேட்டிருந்தார். இதனை அடுத்து நயன்தாரா, தனுஷ் மீது கண்டனம் தெரிவித்து காட்டமாக அறிக்கை ஒன்றை வெளியிட்டிருந்தார். இது திரைத்துறையினர் மத்தியில் அதிர்ச்சியை ஏற்படுத்தியது.
இதையும் படிங்க: நடிகை கீர்த்தி சுரேஷ் திருமணம்: விரைவில் வெளியாகிறது அதிகாரபூர்வ தகவல்!
ஆகாஷ் பாஸ்கரன் திருமணம்: இந்த நிலையில் நடிகர் தனுஷ் இட்லி கடை என்ற படத்தை இயக்கி வருகிறார்.இந்த படத்தை 'Dawn Pictures' நிறுவனம் சார்பில் ஆகாஷ் தயாரித்துள்ளார். இவருக்கும் தரணீஸ்வரி என்பவருக்கும் திருமணம் இன்று நடைபெற்றது. இவர் மு.க.முத்துவின் பேத்தியாவார்.
சென்னை திருவான்மியூரில் உள்ள ஶ்ரீ ராமசந்திரா கன்வென்ஷன் சென்டர் திருமண மண்டபத்தில் நடந்த இந்த திருமணத்தில் தமிழக முதமைச்சர் மு.க.ஸ்டாலின் மற்றும் அவரது துணைவியார் துர்கா ஸ்டாலின் கலந்து கொண்டு மணமக்களை வாழ்த்தினர். மேலும் துணை முதலமைச்சர் உதயநிதி ஸ்டாலின் உள்ளிட்ட தமிழக அமைச்சர்கள் மற்றும் நடிகர்கள் விக்ரம், தனுஷ், சிவகார்த்திகேயன், இயக்குநர் அட்லீ, இசையமைப்பாளர் அனிருத், லைகா தமிழ்குமரன், இயக்குநர் விக்னேஷ் சிவன், நடிகை நயன்தாரா உள்ளிட்ட ஏராளமான திரை பிரபலங்கள் கலந்து கொண்டு மணமக்களை வாழ்த்தினர்.
ஒரே வரிசையில் தனுஷ் - நயன்தாரா: காப்புரிமை பிரச்சினைக்குப் பிறகு நடிகர் தனுஷ் மற்றும் நயன்தாரா இருவரும் இந்த திருமண நிகழ்ச்சியில் கலந்து கொண்டுள்ளனர். ஒரே வரிசையில் இருவரும் அருகருகே அமர்ந்திருந்தாலும் ஒருவரை ஒருவர் பார்க்காமல் பாராமுகத்துடன் இருந்தனர். இந்த புகைப்படங்கள் சமூக வலைத்தளங்களில் வெளியாகி வைரலாகி வருகிறது.
ஈடிவி பாரத் வாட்ஸ்ஆப் சேனலில் இணைய இங்கே கிளிக் செய்யவும்
