“நீங்கள் நினைத்தால் என்னை சந்திக்கலாம்” மும்பை சிறுமியின் ஆசையை நிறைவேற்றிய முதலமைச்சர் ஸ்டாலின்

தமிழ்நாடு முதலமைச்சரை சந்திக்க வேண்டும் எனக்கூறி சமூக வலைதளங்களில் வீடியோ வெளியிட்ட மும்பை சிறுமியின் கோரிக்கையை இன்று (செப்.1) தமிழ்நாடு முதலமைச்சர் மு.க.ஸ்டாலின் நிறைவேற்றினார்.

மும்பை: மகாராஷ்டிரா மாநிலம், மும்பையில் I.N.D.I.A கூட்டணியின் மூன்றாவது ஆலோசனைக் கூட்டம் இன்று (செப்.1) நடைபெற்றது. அதில் பங்கேற்பதற்காக முதலமைச்சர் மு.க.ஸ்டாலின் மும்பை சென்றார். இந்த கூட்டம் தனியார் ஹோட்டலில் மிகவும் பிரம்மாண்டமாக நடைப்பெற்றது.

முன்னதாக I.N.D.I.A கூட்டணியின் சார்பாக இன்று நடைபெறும் கூட்டத்தில் ஒருங்கிணைந்த குழுவை உருவாக்க முடிவு செய்யப்பட்டு, 13 பேர் கொண்ட குழு அறிவிக்கப்பட்டுள்ளது. அதில் முதலமைச்சர் மு.க ஸ்டாலினும் உள்ளார். இக்கூட்டணியின் முதலாவது கூட்டம் பிகார் மாநிலம் பாட்னாவிலும், இரண்டாவது கூட்டம் கர்நாடக மாநிலம் பெங்களூரிலும் நடைபெற்றது. இந்த இரண்டு கூட்டத்திலும் முதலமைச்சர் ஸ்டாலின் பங்கேற்றதைத் தொடர்ந்து 3வது கூட்டத்திலும் பங்கேற்றார்.

இந்த வகையில், மும்பையைச் சேர்ந்த சிறுமி ஒருவர் நேற்று (ஆக.31) சமூக வலைதளத்தில் முதலமைச்சரின் வருகையை அறிந்து வீடியோ ஒன்றை பதிவிட்டிருந்தார். அந்த வீடியோவில் சிறுமி,“ நான் உங்களுடைய மிகப்பெரிய ரசிகை எனவும், நான் உங்களை சந்திக்க விரும்புவதாகவும், நீங்கள் இங்கே வருகை தர உள்ளீர்கள் எனவும், என்னால் உங்களை சந்திக்க முடியாது எனவும், நீங்கள் நினைத்தால் என்னை சந்திக்கலாம் எனவும், எனக்கு சந்திக்க வாய்ப்பு கிடைத்தால் சந்தோசப்படுவேன் என்றார். மேலும், எனது கொள்ளு தாத்தா காலத்தில் இருந்து எங்கள் குடும்பம் திமுக குடும்பம் எனவும், இந்த வீடியோவை நீங்கள் பார்ப்பீர்கள் என நம்புகிறேன்” எனத் தெரிவித்திருந்தார்.

மேலும், முதலமைச்சர் I.N.D.I.A கூட்டணியில் பங்கேற்றதைத் தொடர்ந்து இன்று (செப்.1) அச்சிறுமி பிரனுஷ்காவை சந்தித்தார். அப்போது முதலமைச்சரிடம் சிறுமி கூறியதாவது,“ மணிப்பூர் விவகாரம் தொடர்பாக தாங்கள் பேச வேண்டும் எனவும், நீங்கள் பிரதமாராக வர வேண்டும் எனவும் முதலமைச்சரிடம் கூறியுள்ளார்.

மேலும் தமிழ்நாடில் உள்ள அரசு மருத்துவமனைகளை சிறப்பு கவனத்தில் எடுத்து நீங்கள் பார்க்கும் விதம் மற்றும் தொடக்கப்பள்ளி மாணவர்களுக்கான முதலமைச்சர் காலை உணவுத்திட்டம் பற்றியும், மும்பையில் உள்ள மக்கள் தமிழ்நாட்டை விரும்புவதாகவும், தமிழ்நாட்டில் உள்ள அரசுப்பள்ளிகளில் நிறைய வசதிகள் இருப்பதாகவும், நான் தமிழ்நாட்டில் இருந்தால் அரசுப்பள்ளியில் தான் படிப்பேன் எனவும், ஐஏஎஸ் ஆக வேண்டும் என்பதே தனது கனவாகும்” என்று முதலமைச்சரிடம் கூறினார்.

• In #Mumbai, I fulfilled the wish of this bright and compassionate girl Pranushka to meet me.
  
  It pains me to see how the violence in #Manipur has affected even a schoolgirl like her. It's a stark reminder for those in power to work towards lasting peace and harmony.
  
  I wish… https://t.co/yVVYVF6sWc pic.twitter.com/C6QDYDj1Ns

  — M.K.Stalin (@mkstalin) September 1, 2023 " class="align-text-top noRightClick twitterSection" data="

  In #Mumbai, I fulfilled the wish of this bright and compassionate girl Pranushka to meet me.
  
  It pains me to see how the violence in #Manipur has affected even a schoolgirl like her. It's a stark reminder for those in power to work towards lasting peace and harmony.
  
  I wish… https://t.co/yVVYVF6sWc pic.twitter.com/C6QDYDj1Ns

  — M.K.Stalin (@mkstalin) September 1, 2023

  ">

  In #Mumbai, I fulfilled the wish of this bright and compassionate girl Pranushka to meet me.
  
  It pains me to see how the violence in #Manipur has affected even a schoolgirl like her. It's a stark reminder for those in power to work towards lasting peace and harmony.
  
  I wish… https://t.co/yVVYVF6sWc pic.twitter.com/C6QDYDj1Ns

  — M.K.Stalin (@mkstalin) September 1, 2023

முதலமைச்சரை சந்தித்த பின்னர் சிறுமி, “முதலமைச்சர் என்னை அழைத்து சந்தித்தது மிகவும் மகிழ்ச்சியளிப்பதாகவும், முதலமைச்சர் தனக்கு பேனா, நோட்டு புத்தகங்களை வழங்கினார் எனவும், முதலமைச்சருக்கு நன்றி” தெரிவித்தார். இதுகுறித்து சிறுமியின் பெற்றோர் கூறுகையில், தமிழ்நாடு முதலமைச்சரை சந்தித்தது மிகவும் மகிழ்ச்சியளிப்பதாகவும், தமிழ்நாட்டில் சிறந்த ஆட்சி தான் நடைபெறுகிறது எனவும், முதலமைச்சருக்கு நன்றியையும் தெரிவித்தனர்.

இதையும் படிங்க:'பாசிச பாஜக ஆட்சியின் கவுண்ட் டவுன் ஸ்டார்ட்’ - மும்பை கூட்டத்தில் முதலமைச்சர் ஸ்டாலின்!