பனாஜி: ஹரியானா மாநிலத்தைச் சேர்ந்த நடிகையும், பாஜக மகளிரணி நிர்வாகியுமான சோனாலி போகத் (42) கோவாவில் கடந்த ஆகஸ்ட் 22ஆம் தேதி சந்தேகத்திற்குரிய முறையில் உயிரிழந்தார். இதுதொடர்பாக விசாரணை நடத்திய போலீசார், அவரது உதவியாளர்கள் இருவரை கைது செய்தனர்.
சோனாலி மரண வழக்கை சிபிஐ வசம் ஒப்படைக்க வேண்டும் என அவரது குடும்பத்தினர் கோரிக்கை விடுத்தனர். வழக்கை சிபிஐக்கு மாற்ற உத்தரவிடும்படி கோவா அரசிடம் கோரிக்கை விடுத்துள்ளதாக ஹரியானா முதலமைச்சர் மனோகர்லால் கட்டார் கூறியிருந்தார். இந்நிலையில் இந்த வழக்கு சிபிஐ வசம் ஒப்படைக்கப்படும் என்று கோவா முதல்வர் டாக்டர் பிரமோத் சாவந்த் தெரிவித்துள்ளார்.
இதையும் படிங்க:சோனாலி போகத் மரண வழக்கை சிபிஐ வசம் ஒப்படைக்கத் தயார்... கோவா முதலமைச்சர் பிரமோத் சாவந்த் பேட்டி...
