டெல்லி: கடந்த 2018-ம் ஆண்டிலிருந்து பரிக்ஷா பே சர்ச்சா(pariksha pe charcha)என்ற பெயரில் பொதுத்தேர்வு எழுதும் மாணவர்கள், ஆசிரியர்களுடன் கலந்துரையாடி வருகிறார். அந்த வகையில், இந்த ஆண்டுக்கான நிகழ்ச்சி டெல்லியில் டால்கோடரா மைதானத்தில் நடைபெற்றது.
காலை 11 மணிக்கு தொடங்கியது. இந்த நிகழ்ச்சியில் நாடு முழுவதுமிருந்து 30 லட்சம் மாணவர்கள், 20 லட்சம் கேள்விகள் பதிவு செய்யப்பட்டுள்ளதாகக் கூறப்படுகிறது.டெல்லியில் நேரடியாகவும், நாட்டின் பல்வேறு பகுதியிலிருந்து மாணவர்கள் காணொளி வாயிலாகக் கேட்கும் கேள்விக்கும் பிரதமர் மோடி பதிலளித்தார்.
அந்த வகையில் மதுரை திருப்பரங்குன்றம் கேந்திரிய வித்தியாலயா பள்ளியைச் சேர்ந்த மாணவி பிரதமர் மோடியிடம் பேசினார். "மதிப்பிற்குரிய பிரதமர் அவர்களுக்கு வணக்கம், என் கேள்வி என்னவென்றால், நான் தேர்வில் குறைந்த மதிப்பெண் எடுத்துவிட்டால் எனது பெற்றோரை நான் எப்படி சமாளிப்பது? சமூகத்தில் உள்ளவர்களும் தேர்வில் குறைவாக மதிப்பெண் எடுத்தவர்களைக் குறைகூறுவதால் பல கைகளை துண்டிக்கும் அளவுக்கு கூட செல்கின்றனர். மதிப்பெண் குறைவாக எடுத்தவர்கள் நல்ல மாணவர்களாகத் திகழ்வதற்கு என்ன செய்ய வேண்டும்? மன அழுத்தத்தைக் குறைப்பது எப்படி?" என்று கேள்வி எழுப்பினார்.
அதற்குப் பதிலளித்த பிரதமர் மோடி, "மாணவி அஸ்வினி கிரிக்கெட்டில் ஹூக்ளி என்ற முறை உள்ளது. அதுபோல் முதல் பந்திலேயே என்னை அவுட்டாக்க முயல்கிறார் என்று கூறியவுடன் அரங்கமே சிரிப்பலையில் மிதந்தது. தொடர்ந்து பேசிய பிரதமர் மோடி, பிள்ளைகள் தேர்வில் அதிக மதிப்பெண் எடுக்க வேண்டும் என பெற்றோர் நினைப்பது இயற்கை தான். அதைப் பற்றி அதிகம் யோசிக்காமல் மாணவர்கள் படிப்பில் கவனம் செலுத்த வேண்டும்.பெற்றோர்கள் தங்கள் பிள்ளைகளுக்குத் தேர்வு மதிப்பெண் குறித்து அழுத்தம் கொடுக்க வேண்டாம்" என்று கேட்டுக்கொண்டார்.
இதனிடையே, மதுரையில் ஈடிவி பாரத் தமிழ்நாடு சேனலுக்கு பிரத்யேகமாக பேட்டியளித்த மாணவி, பிரதமர் மோடியுடன் கலந்துரையாடியதை மகிழ்ச்சியாக கருதுகிறேன். இந்த நிகழ்ச்சிக்கு உறுதுணையாக இருந்த ஆசிரியர்களுக்கு நன்றி என்று கூறினார்.
இதையும் படிங்க: கே.எல்.ராகுல்-அதியா ஷெட்டி தம்பதிக்கு கோடிகளில் குவியும் கிப்ட்ஸ்
