போபால் : பிரதமர் மோடி முதல் முறையாக ஒரே நாளில் 5 வந்தே பாரத் ரயில்கள் சேவையை நேரடி மற்றும் காணொலி வாயிலாக தொடங்கி வைத்தார்.
மத்திய பிரதேச மாநிலம் போபாலில் உள்ள கமலாபடி ரயில் நிலையத்தில் நடைபெற்ற விழாவில் கலந்து கொண்ட பிரதமர் மோடி 5 வந்தே பாரத் ரயில்களின் சேவையை துவக்கி வைத்தார். ராணி கமலாபடி ரயில் நிலையத்தில் இருந்து புறப்பட்ட வந்தே பாரத் ரயிலில் பயணித்த பிரதமர் மோடி பள்ளி மாணவ மாணவிகளுடன் கலந்துரையாடினார்.
போபால் மாவட்டம் ரானி கமலாபடியில் இருந்து ஜபல்பூர் வரை, கஜுராஹோ - போபால் - இந்தூர் வரை, மட்கான் (கோவா) - மும்பை வரை, தார்வாட் - பெங்களூரு வரை, மற்றும் ஹதியா - பாட்னா இடையிலான 5 வந்தே பாரத் விரைவு ரயில்களை பிரதமர் மோடி துவக்கி வைத்தார். இதில் ராணி கமலாபடியில் இருந்து ஜபல்பூர் வரை இயக்கப்படும் வந்தே பாரத் ரயில் மகாகவுஷல் பகுதியுடன் சேர்த்து மாநிலத்தின் மத்திய பகுதியான போபாலுடன் இணைக்கும் எனத் தெரிவிக்கப்பட்டு உள்ளது.
இந்த வந்தே பாரத் ரயில் சேவை மாநிலத்தில் சுற்றுலாத் துறையை ஊக்குவிக்கும் வகையில் இருக்கும் எனத் தெரிவிக்கப்பட்டு உள்ளது. நாட்டின் பல்வேறு பகுதிகளை இந்த வந்தே பாரத் ரயில்கள் இணைக்கும் எனத் கூறப்பட்டு உள்ளது. மேலும் இந்த விழாவில் மத்திய ரயில்வே அமைச்சர் அஸ்வினி வைஷ்ணவ், மத்திய பிரதேச முதலமைச்சர் சிவராஜ் சிங் சவுகான் உள்ளிட்டோர் கலந்து கொண்டனர்.
மேலும் ஜார்கண்ட் - பீகார் இடையிலான முதல் ஹாத்தியா - பாட்னா விரைவு வந்தே பாரத் ரயில் சேவை பிரதமர் மோடி துவக்கி வைத்தார். பாட்னா மற்றும் ராஞ்சி இடையிலான உள்ள பகுதிகளை இணைந்து சுற்றுலா மற்றும் போக்குவரத்தை ஊக்கப்படுத்தும் என தெரிவிக்கப்பட்டு உள்ளது.
மேலும், தார்வாட் - பெங்களூரு, மற்றும் மடகோன் - மும்பை இடையிலான வந்தே பாரத் விரைவு ரயில்களையும் பிரதமர் மோடி கொடியசைத்து துவக்கி வைத்தார்.
இதையும் படிங்க : Vande Bharat: போபாலில் இருந்து 5 புதிய வந்தே பாரத் ரயில்களின் சேவை இன்று தொடக்கம்
