டெல்லி: டெல்லியில் உள்ள பிரதமர் நரேந்திர மோடி இல்லத்தில் முதலமைச்சர் மு.க. ஸ்டாலின் இன்று சந்தித்து ஆலோசனை நடத்தினார்.
அப்போது தமிழ்நாட்டிற்கு கூடுதலாக தடுப்பூசிகள் வழங்க வேண்டும் என்றும் மாநிலத்தின் வளர்ச்சி திட்டங்கள் குறித்து எடுத்துரைத்தார். இது மட்டுமின்றி மேகதாது பகுதியில் காவிரி ஆற்றின் குறுக்கே கர்நாடக அரசு அணைக் கட்ட அனுமதி வழங்கக் கூடாது என்றும் வலியுறுத்தினார். தொடர்ந்து தமிழ்நாட்டில் கிடப்பில் போடப்பட்டுள்ள ரயில்வே திட்டங்களை விரைந்து முடிக்க வேண்டும் என்றும் கோரிக்கை விடுத்தார்.
மு.க ஸ்டாலின் முதலமைச்சரான பின்பு முதல் முறையாக டெல்லி சென்று பிரதமர் நரேந்திர மோடியை சந்தித்துள்ளார். இதனால் இந்தச் சந்திப்பு மிகவும் முக்கியத்துவம் வாய்ந்த ஒன்றாக கருதப்படுகிறது.
