நாட்டின் விவசாயிகளுக்கு உதவும் நோக்கில், இந்தியா முழுவதும் உள்ள பல்வேறு பகுதிகளில், நூறு கிசான் ட்ரோன்கள் செயல்பாட்டை பிரதமர் நரேந்திர மோடி தொடங்கிவைத்தார்.
வேளாண்மையை 21ஆம் நூற்றாண்டு தொழில்நுட்பத்துடன் இணைத்து விவசாயிகளின் வாழ்வு மேம்படும் விதமாக இந்த ட்ரோன் திட்டம் தொடங்கப்பட்டுள்ளதாக மத்திய அரசு தெரிவித்துள்ளது. இந்த ட்ரோன்கள் மூலம் வேளாண் நிலங்களில் பூச்சக்கொல்லி மருந்துகள் அடிக்கப்படும். நாடு முழுவதும் 100 இடங்களில் கிசான் ட்ரோன்கள் செயல்படுவதைப் பார்த்தது மகிழ்ச்சியளித்தது என்று பிரதமர் நரேந்திர மோடி கூறியுள்ளார்.
இது தொடர்பாக ட்விட்டரில் பிரதமர் மோடி கூறியியதாவது: “நாடு முழுவதும் 100 இடங்களில் கிசான் ட்ரோன்கள் செயல்படுவதைப் பார்த்தது மகிழ்ச்சியளித்தது. இது துடிப்புமிக்க புதிய தொழிலின் @garuda_india மெச்சத்தக்க முன்முயற்சியாகும். புதிய கண்டுபிடிப்பு தொழில்நுட்பம் நமது விவசாயிகளுக்கு அதிகாரமளிப்பதுடன் வேளாண்மையை மிகவும் லாபகரமானதாக மாற்றும்." என்றார்.
இதையும் படிங்க: மண்ணில் புதைத்து பழங்காலச் சிலையை மறைத்த தனியார் அருங்காட்சியகம்
