டெல்லி: உத்தரப்பிரதேச மாநிலம் ஷாம்லியை சேர்ந்த மாணவி தியா நாம்தேவ் சிபிஎஸ்இ பத்தாம் வகுப்பு பொது தேர்வில் அனைத்து பாடங்களிலும் 100 மதிப்பெண் பெற்று சாதனை படைத்தார். இவருக்கு பல்வேறு தரப்பில் இருந்து பாராட்டுகள் குவிந்துவருகின்றன. இதனிடையே பிரதமர் நரேந்திர மோடி மாணவி தியாயை டெல்லியில் உள்ள பிரதமர் மாளிகைக்கு வரவழைத்து தனது பாரட்டுகளை தெரிவித்தார். அப்போது தியாவின் தந்தை ராஜீவ் கர்க்கும் உடனிருந்தார்.
இதுகுறித்து ராஜீவ் கர்க் கூறுகையில், பிரதமர் மோடிக்கு சால்வை அணிவித்து கவுரவிக்கும் வாய்ப்பையும் பெற்றேன். எனக்கு ஒரு கனவு போல் இருந்தது. தியாவால் பிரதமரை சந்திக்கும் பெருமை எனக்கு கிடைத்து. எதிர்கால இலக்குகளை அடைய வேண்டும் என்று தியாவை அன்புடன் ஊக்குவித்தார் எனத் தெரிவித்தார்.
