ஒடிசா : ஜாஜ்பூர் மாவட்டம் கியோஞ்சர் கிராமத்தில் வசிக்கும் சிறுமி ஒருவர் நேற்று (ஜூலை 18) இரவு அவரது சகோதரருடன் குரோமைட்டில் உள்ள அவரது உறவினர் இல்லத்திற்கு சென்று கொண்டிருந்தார். அப்போது பேருந்தில் இருந்து இறங்கியதும் அப்பகுதியில் பலத்த மழை பெய்துள்ளது.
அங்கு இருந்த 5 பேர் கொண்ட கும்பல் அருகில் இருந்த அரசு பள்ளியில் தங்கி செல்லுமாறு கூறியுள்ளனர். இதனால் அச்சிறுமி அவரின் சகோதரனுடன் அங்கு தங்கியுள்ளார்.
அங்கு இருந்த சென்ற 5 பேரும் நள்ளிரவில் திரும்பி வந்துள்ளனர். பின்னர் சிறுமியின் சகோதரரை அடித்து விரட்டியுள்ளனர். அவர்கள் சிறுமியை பாலியல் பலாத்காரம் செய்ய முயன்றபோது, சிறுமி பள்ளி கட்டிடத்தின் கூரைக்கு ஓடி, அங்கிருந்து குதித்துள்ளார்.
இதில் படுகாயம் அடைந்த சிறுமி ஆபத்தான நிலையில் கலிங்கா நகரில் உள்ள மருத்துவமனையில் அனுமதிக்கப்பட்டுள்ளார். இதனைத்தொடர்ந்து அந்த 5 பேரையும் காவல் துறையினர் கைது செய்தனர்.
இதையும் படிங்க:தண்ணீரைக் கடந்து பள்ளிக்கு செல்லும் மாணவர்கள் - பாலம் கட்டி தர கோரிக்கை!
