குஜராத்: இந்த ஆண்டு தீபாவளி பண்டிகையின் போது போக்குவரத்து விதிகளை மீறுபவர்களுக்கு அபராதம் விதிக்கப்படாது என குஜராத் அரசு அறிவித்துள்ளது. இந்த அறிவிப்பை குஜராத் உள்துறை அமைச்சர் ஹர்ஷ் சங்கவி தெரிவித்தார்.
கூட்டத்தில் உரையாற்றிய அவர், தீபாவளி பண்டிகையை முன்னிட்டு, குஜராத்தில் போக்குவரத்து போலீசார் அக்டோபர் 27 வரை விதிமீறல் செய்பவர்களிடம் இருந்து அபராதம் எதுவும் வசூலிக்க மாட்டார்கள் என்று கூறினார். முதல்வர் பூபேந்திர படேலின் வழிகாட்டுதலின்படி, தீபாவளியின் போது மக்களுக்கு நிவாரணம் வழங்க மாநில உள்துறை முடிவு எடுத்துள்ளதாக சங்கவி கூறினார்.
இந்த காலகட்டத்தில் ஹெல்மெட் அல்லது ஓட்டுநர் உரிமம் இல்லாமல் யாரேனும் பிடிபட்டால் அல்லது வேறு ஏதேனும் போக்குவரத்து விதிகளை மீறுவது கண்டறியப்பட்டால், அவர்களுக்கு எங்கள் போலீசார் மலர் கொடுப்பார்கள்,” என்று அமைச்சர் மேலும் கூறினார். வெள்ளிக்கிழமை கொண்டாடப்பட்ட கோவட்ச துவாதசி, தீபாவளி பண்டிகையின் தொடக்கத்தைக் குறித்தது. இந்த ஆண்டு தீபத் திருவிழாவின் முக்கிய நாளான லட்சுமி பூஜை குஜராத்தில் அக்டோபர் 24ஆம் தேதி கொண்டாடப்படுகிறது.
இதையும் படிங்க: இஸ்ரோவின் வரலாற்று சிறப்புமிக்க ஜிஎஸ்எல்வி மாக்-3 இன்று நள்ளிரவில் விண்ணில் பாய்கிறது
