டெல்லி: அரசின் மின்னஞ்சல் தளத்தில் இணையத் தாக்குதல் நடந்ததாகத் தகவல்கள் வெளியாகின. இது தொடர்பாக ஒன்றிய அரசு சார்பில் பல்வேறு துறை ஊழியர்களுக்கு எச்சரிக்கை கடிதமும் அனுப்பப்பட்டிருந்தது.
அதாவது ஏர் இந்தியா, பிக் பேஸ்கெட் மற்றும் டொமினோஸ் உள்ளிட்ட நிறுவனங்களின் கணக்குகளின் விவரங்களை வைத்து போலி லிங்க், இணையதளம் மூலம் தாக்குதல் நடந்ததாக குற்றஞ்சாட்டுகள் எழுந்தன.
இந்நிலையில், மத்திய மின்னணு மற்றும் தகவல் தொழில் நுட்ப அமைச்சகம் வெளியிட்டுள்ள அறிக்கையில், 'அரசின் இணையதளங்கள், மின்னஞ்சல்கள் பாதுகாப்பாக உள்ளன.
கடவுச் சொல்லும் மிக மிக பாதுகாப்பாக உள்ளது. மேலே குறிப்பிட்ட தனியார் இணைய தளங்களில் ஊடுருவல் இருந்திருந்தாலும், அரசின் இணையதளங்களுக்கு எவ்விதப் பாதிப்பும் இல்லை.
அந்த வகையில், எந்த பாதுகாப்பு விதிமீறல்களும் நடைபெறவில்லை. என்ஐசி (தேசிய தகவல் மையம்) மிகவும் பாதுகாப்பாக உள்ளது.
எலக்ட்ரானிக்ஸ் மற்றும் ஐடி அமைச்சகம் 90 நாள்களில் இரண்டு காரணி அங்கீகாரம் மற்றும் கடவுச்சொல்லை மாற்றுவது போன்ற பல பாதுகாப்பு நடவடிக்கைகளை என்ஐசி மின்னஞ்சல் அமைப்பு கொண்டு வந்துள்ளது.
என்ஐசி மின்னஞ்சலில் கடவுச்சொல் மாற்றப்பட, செல்போன் எண்ணின் ஓடிபி தேவைப்படுகிறது.
மேலும், செல்போன் ஓடிபி இல்லாமல் கடவுச்சொல்லை மாற்றுவது சாத்தியமில்லை. மின்னஞ்சலைப் பயன்படுத்தி திருடுவதற்கான எந்தவொரு முயற்சியையும் என்.ஐ.சி தடுக்க முடியும்.
என்.ஐ.சி அவ்வப்போது பயனர் விழிப்புணர்வு இயக்கிகளை மேற்கொள்கிறது மற்றும் சாத்தியமான அபாயங்கள் மற்றும் பாதுகாப்பு நெறிமுறைகளைப் பின்பற்றி, பயனர்களைப் புதுப்பித்துக்கொண்டே இருக்கிறது' எனத் தெரிவிக்கப்பட்டுள்ளது.
இதையும் படிங்க: டிஎச்எஃப்எல் பங்குகளில் வர்த்தகம் செய்யத் தடை!
