குருகிராம் : உத்தரப் பிரதேசத்தின் முன்னாள் முதலமைச்சரும் சமாஜ்வாதி கட்சியின் நிறுவனருமான முலாயம் சிங் யாதவ் (81) உடல்நலக் குறைவு காரணமாக குருகிராம் மருத்துவமனையில் அனுமதிக்கப்பட்டுள்ளார். அவருக்கு அங்கு தீவிர சிகிச்சைகள் அளிக்கப்படுகின்றன.
அண்மைக் காலமாக முலாயம் சிங் யாதவ் முதுமை காரணமாக அரசியல் பணிகளில் ஈடுபடாமல் ஒதுங்கி இருக்கிறார். அரசியல் மற்றும் கட்சி பணிகளை அவரது மகனும் முன்னாள் முதலமைச்சருமான அகிலேஷ் யாதவ் கவனித்துவருகிறார். எனினும் முலாயம் சிங் யாதவ்வை பல்வேறு அரசியல் கட்சித் தலைவர்களும் தொடர்ந்து சந்தித்துவந்தனர்.
இதற்கிடையில் கடந்த இரு தினங்களுக்கு முன்பு முலாயம் சிங் யாதவ்வுக்கு திடீர் உடல்நலக் குறைவு ஏற்பட்டது. அவருக்கு மூச்சு விடுவதில் சிரமம் இருந்தது எனத் தெரியவருகிறது. இதையடுத்து குருகிராமில் உள்ள தனியார் மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சைகள் அளிக்கப்பட்டுவருவதாக மருத்துவர்கள் தரப்பில் கூறப்பட்டுள்ளது.
இதையும் படிங்க : ஒன்று சேரும் மாயாவதி-முலாயம்
