மகாராஷ்டிரா மாநிலத்தில் இதுவரை 66 பேருக்கு ’டெல்டா ப்ளஸ்’ வகை கரோனா தொற்று இருப்பது கண்டறியப்பட்டுள்ளது. இதற்கிடையில் ரத்னகிரி பகுதியில் இருந்து இருவர் உள்ளிட்ட ஐந்து பேர் டெல்டா ப்ளஸ் தொற்று பாதிப்பினால் உயிரிழந்துள்ளனர்.
உயிரிழந்தவர்கள் 65 வயதுக்கு மேற்பட்டவர்கள் என்றும் இவர்களுக்கு இணை நோய் இருந்ததாகவும் கூறப்படுகிறது. உயிரிழந்தவர்களில் இருவர் கரோனா தடுப்பூசியின் இரண்டு டோஸ்களையும் செலுத்திக் கொண்டவர்கள் என்றும் இருவர் ஒரு டோஸ் தடுப்பூசி செலுத்திக் கொண்டவர்கள் என்றும் மாநில சுகாதாரத்துறை தெரிவித்துள்ளது. மற்றொரு நபர் தடுப்பூசி செலுத்திக்கொண்டாரா இல்லையா என்பது தெரியவில்லை.
கரோனா தொற்று மீண்டும் அதிகரித்து வரும் சூழலில் மீண்டும் ஊரடங்கு அறிவிக்கப்படும் என அம்மாநில முதலமைச்சர் உத்தவ் தாக்கரே கடந்த வாரம் தெரிவித்திருந்தார். சமூக வலைதளங்கள் வாயிலாக மக்களிடம் உரையாடிய அவர், கரோனா தொற்றின் மூன்றாம் அலையை சந்திக்க ஆயத்தப் பணிகள் மேற்கொள்ளப்பட்டுள்ளதாகவும் குறிப்பிட்டார்.
