பெங்களூரு : கரோனா பாதிப்புகள் குறைந்துவரும் நிலையில் கர்நாடக அரசு இரவு நேர ஊடரங்கை வாபஸ் பெற்றுள்ளது. பெங்களூருவில் பள்ளிகள் (1-9) மற்றும் கல்லூரிகள் திங்கள்கிழமை (ஜன.31) முதல் திறக்கப்படுகின்றன.
இது தொடர்பான செய்தியாளர்கள் சந்திப்பு மாநில முதல் அமைச்சர் பசவராஜ் பொம்மை தலைமையில் நடந்தது. அப்போது பேசிய வருவாய் துறை அமைச்சர் ஆர். அசோக், “மாநிலத்தில் ஜன.31ஆம் தேதி முதல் பள்ளி, கல்லூரிகள் திறக்கப்படுகின்றன” என்று அதிகாரப்பூர்வமாக அறிவித்தார்.
தொடர்ந்து, “கோவிட் பரவல் அதிகமுள்ள மாவட்டங்களில் அந்தந்த மாவட்ட ஆட்சியர்கள் பள்ளிகள் திறப்பது குறித்து முடிவெடுப்பார்கள்” என்றார். மேலும், “கேரளா, கோவா மற்றும் மகாராஷ்டிரா உள்ளிட்ட மாநிலங்களில் இருந்து கர்நாடகாவுக்கு வந்தால் ஆர்டி-பிசிஆர் பரிசோதனை கட்டாயம்” என்றார்.
கர்நாட மாநிலத்தில் மற்ற தளர்வுகள்
- அரசு அலுவலகங்கள் முழு ஊழியர்களுடன் நடைபெறும்.
- திரையரங்குகளில் 50 சதவீத இருக்கைகளுக்கு மட்டுமே அனுமதி.
- வழிபாட்டு தலங்களில் 50 விழுக்காடு பக்தர்களுக்கு அனுமதி.
- ஆர்ப்பாட்டங்கள், பொதுக்கூட்டங்கள், பேரணிகள், மத நிகழ்வுகள், அரசியல் கட்சி கூட்டங்கள் நடத்த தடை.
கர்நாடகாவில் கடந்த 24 மணி நேரத்தில் 31 ஆயிரத்து 198 பேருக்கு கரோனா பெருந்தொற்று பாதிப்பு உறுதி செய்யப்பட்டுள்ளது. இது கடந்த செவ்வாய்க்கிழமை (ஜன.25)யுடன் ஒப்பிடும்போதும் 7 ஆயிரம் குறைவாகும். வெள்ளிக்கிழமை (ஜன.28) மட்டும் 71 ஆயிரத்து 92 பேர் சிகிச்சைக்கு பின்னர் வீடு திரும்பியுள்ளனர்.
இதையும் படிங்க : 12 மணி நேரப் பணி வேண்டாம், 8 மணி போதும்.. பெண் காவலர்களின் துயர் துடைத்த மகாராஷ்டிரா அரசு
