ராம்பன்: ஜம்மு காஷ்மீர் தேசிய நெடுஞ்சாலையில் திடீரென நிலச் சரிவு மற்றும் பாறைகள் உருண்டு விழுந்ததால் சாலை மூடப்பட்டு போக்குவரத்து துண்டிக்கப்பட்டது. ராம்பன் மாவட்டம் மெகர் தேசியச் நெடுஞ்சாலையில் சிறு சிறு பாறைகள் உருண்டு விழுந்து போக்குவரத்து துண்டிக்கப்பட்டதால், ஸ்ரீநகர் - ஜம்மு காஷ்மீர் நெடுஞ்சாலை வழியாக காஷ்மீர் பள்ளத்தாக்கு பகுதிக்கு செல்லும் வாகனங்கள் சாலையில் நீண்ட வரிசையில் அணிவகுத்து நிற்கின்றன.
பாறைகள் சரிவால் உயிரிழப்பு ஏதும் ஏற்படவில்லை என்றும், சாலையில் விழுந்து கிடக்கும் சிறு சிறு பாறைகளை அகற்றி போக்குவரத்தை சீரமைக்கும் பணிகள் துரிதமாக நடைபெற்று வருவதாகவும் ராம்பன் மாவட்ட எஸ்.பி. மோகித சர்மா தெரிவித்துள்ளார். ஸ்ரீநகர் - ஜம்மு இடையேயான பிரதான சாலையில் கற்கள் விழுந்து போக்குவரத்து துண்டிக்கப்பட்டதால், நீண்ட தூரத்திற்கு லாரிகள், கார்கள் அணிவகுத்து நிற்கின்றன.
இதையும் படிங்க: அத்துமீறி பொதுக் கூட்டம் - சந்திரபாபு நாயுடுவின் கார் பறிமுதல்;பேருந்தின் மீது ஏறி பிரசாரம்
