ஸ்ரீநகர் : ஒன்றிய அரசுக்கு எதிராக கடுமையான தாக்குதலைத் தொடங்கிய காங்கிரஸ் முன்னாள் தலைவரும் நாடாளுமன்ற உறுப்பினருமான ராகுல் காந்தி, ஜம்மு -காஷ்மீர், டெல்லியில் இருந்து நேரடியாக "தாக்குதலுக்கு உள்ளாகிறது" என்றார்.
காங்கிரஸ் முன்னாள் தலைவர் ராகுல் காந்தி இரண்டு நாள் பயணமாக காஷ்மீருக்கு சென்றுள்ளார்.
அங்கு ஸ்ரீநகரில் செய்தியாளர்களிடம் பேசிய அவர், “தற்போது, ஜம்மு -காஷ்மீர் மட்டுமின்றி தமிழ்நாடு, மேற்கு வங்கம் மற்றும் இந்தியாவின் பிற மாநிலங்களையும் மத்திய அரசு தாக்குகிறது. ஆனால் ஜம்மு -காஷ்மீர் நேரடி தாக்குதலில் உள்ளது, மற்ற மாநிலங்கள் மறைமுகமாக தாக்கப்படுகின்றன.
ஜம்மு -காஷ்மீர் விவகாரத்தில் காங்கிரஸின் நிலைப்பாடு தெளிவாக உள்ளது. ஜம்மு காஷ்மீர் மாநிலத்தை மீட்டெடுப்பது துரிதப்படுத்தப்பட வேண்டும். சட்டப்பேரவை தேர்தல் வெளிப்படையாக நடத்தப்பட வேண்டும்” என்றார்.
இதைத் தொடர்ந்து குலாம் நபி ஆசாத்தின் கோரிக்கைக்கு பதிலளித்த அவர், “நான் நாடாளுமன்றத்தில் பேச அனுமதிக்கப்படவில்லை. ரஃபேல், வேலையின்மை மற்றும் ஊழலுக்கு எதிராக என்னால் பேச முடியாது. அவர்கள் (பாஜக) நீதித்துறை, மக்களவை மற்றும் ஊடகங்களை கூட குழப்பிவிட்டனர்.
காங்கிரஸ் அரசாங்கம் ஆட்சியிலிருந்தபோது, உதான் போன்ற திட்டங்கள் தொடங்கப்பட்டன, பஞ்சாயத்து தேர்தல்கள் நடத்தப்பட்டன. காஷ்மீர் பல்கலைக்கழகத்தில் இருந்து நிபுணர்களை நாங்கள் பெற்றோம், இளைஞர்களை மற்ற மாநிலங்களில் பயிற்சிக்கு அனுப்பினோம்.
காஷ்மீர் மக்கள் ஒன்றை புரிந்துகொள்ள வேண்டும். நான் உங்களுடன் இருக்கிறேன் வெற்றி அடையும் வரை தொடர்ந்து போராடுவோம்.
இங்குள்ள மக்கள் அன்பையும் மரியாதையையும் நம்புகிறார்கள், அவர்களுக்காக நீங்கள் ஏதாவது செய்ய விரும்பினால், அதன் அடிப்படையில் இருக்க வேண்டும். வெறுப்பால் எதையும் பெற முடியாது.
தொற்றுநோய்களின் போது நான் இங்கு வர முயற்சித்தேன். ஜம்மு காஷ்மீர் அங்கீகாரம் ரத்து போன்ற விவகாரங்களால் நான் அனுமதிக்கப்படவில்லை.
இன்று எனது குடும்பம் டெல்லியில் வாழ்கிறது, அதற்கு முன்பு நாங்கள் அலகாபாத்திலும், அதற்கு முன் காஷ்மீரிலும் வாழ்ந்தோம். என் குடும்பமும் ஜீலம் தண்ணீரைக் குடித்திருக்க வேண்டும். எனக்கும் காஷ்மீர் ரத்தம் இருக்கிறது நான் விரைவில் ஜம்மு மற்றும் லடாக் செல்வேன்” என்றார்.
இதையும் படிங்க : நீரஜ் சோப்ராவை பாராட்டிய ராகுல் காந்தி!
