ஒருகாலத்தில் உத்தரப் பிரதேசம் ஊழல்களுக்கு பெயர்பெற்றது - பிரதமர் மோடி

இந்தியா நிர்பந்தத்தினால் அல்லாமல் நம்பிக்கையின் அடிப்படையில் சீர்திருத்தங்களை செயல்படுத்திவருவதாக பிரதமர் மோடி தெரிவித்தார்.

• This is why the world trusts India… pic.twitter.com/WVG3Z7Wpx5

  — Narendra Modi (@narendramodi) February 10, 2023 " class="align-text-top noRightClick twitterSection" data="

  This is why the world trusts India… pic.twitter.com/WVG3Z7Wpx5

  — Narendra Modi (@narendramodi) February 10, 2023

  ">

  This is why the world trusts India… pic.twitter.com/WVG3Z7Wpx5

  — Narendra Modi (@narendramodi) February 10, 2023

லக்னோ: உத்தரப் பிரதேச மாநிலம் லக்னோவில் உலகளாவிய முதலீட்டாளர்கள் உச்சி மாநாடு 2023 இன்று (பிப். 10) தொடங்கியது. மூன்று நாட்கள் நடக்க உள்ள இந்த உச்சிமாநாட்டை பிரதமர் நரேந்திர மோடி தொடங்கி வைத்தார். இந்த விழாவில் மோடி உரையாற்றுகையில், உலக வளர்ச்சியில் இந்தியா ஒரு பிரகாசமான இடமாக மாறியதை போல் உத்தப் பிரதேசம் நாட்டின் பிரகாசமான இடமாக மாறியுள்ளது. ஒரு காலத்தில் உத்தரப் பிரதேசம் ஊழல்களுக்கு பெயர்பெற்றது.

இதன் காரணமாக மாநிலத்தில் வளர்ச்சி ஏற்படாது, சட்ட ஒழுங்கை மேம்படுத்த முடியாது என்று மக்கள் நம்பி வந்தனர். ஆனால், பாஜக ஆட்சியின் 5 ஆண்டுகளாக தொடக்க ஆட்சியிலேயே அனைத்தும் மாறியது. உத்தரப் பிரதேசம் நல்லாட்சி, சட்டம் ஒழுங்கு, அமைதிக்கு பெயர் பெற்றது. நமது சமுதாயம் மற்றும் இளைஞர்களின் சிந்தனையில் மிகப்பெரிய மாற்றம் ஏற்பட்டுள்ளது. உலகின் ஒவ்வொரு நம்பகமான குரலும் இந்தியப் பொருளாதாரத்தின் வளர்ச்சியை நம்பிக்கையுடன் பார்க்கிறது.

இதற்கு மிகப்பெரிய காரணம் நமது நாட்டு மக்களின் தன்னம்பிக்கையே. நாட்டின் சமூக, டிஜிட்டல், உள்கட்டமைப்பு வளர்ச்சி காரணமாக உத்தரப் பிரதேசம் பெரும் பலனை கண்டுள்ளது. டஜன் கணக்கான பழமையான சட்டங்கள் ரத்து செய்யப்பட்டுள்ளன. இந்த சீர்திருத்தங்களை நிர்பந்தத்தினால் அல்லாமல் நம்பிக்கையினால் நாடு செயல்படுத்தி வருகிறது. இந்த நிதியாண்டுக்கான பட்ஜெட்டில் எரிசக்தி துறைக்காக ரூ. 35 ஆயிரம் கோடி ஒதுக்கீடு செய்யப்பட்டுள்ளது.

பசுமை எரிசக்தி உற்பத்தி மீதான உறுதிபாட்டை நாடு பிரதிபலிக்கிறது. அதற்கு மிஷின் கிரீன் ஹைட்ரஜன் திட்டத்தை குறிப்பிட்டு சொல்லலாம். இந்தியாவில் மொத்த செல்போன் உற்பத்தியில் 60 விழுக்காட்டிற்கும் மேல் உத்தரப் பிரதேசத்தில் உற்பத்தி செய்யப்படுகிறது. நாட்டில் 2 முக்கிய பாதுகாப்பு வழித்தடங்களில் ஒன்று உத்தரப் பிரதேசத்தில் உள்ளது. இந்த மாநிலத்தில் பால், மீன்வளம், விவசாயம், உணவு பதப்படுத்துதல் துறைகள் மற்றும் இயற்கை விவசாயம் ஆகியவற்றில் பல புதிய முயற்சிகள் எடுக்கப்பட்டுள்ளது.

இதில் விவசாயிகளின் உற்பத்தி செலவை குறைக்க கவனம் செலுத்தப்படுகிறது. உள்கட்டமைப்புக்காக அதிகளவு செலவு செய்துவருகிறோம். ஒவ்வொரு ஆண்டும் பட்ஜெட் அதிகரிக்கப்படுகிறது. இதில் முதலீட்டாளர்களுக்கு அதிக வாய்ப்புகள் அதிகம் உள்ளன எனத் தெரிவித்தார்.

இந்த மாநாட்டில் பல்வேறு நாடுகளைச் சேர்ந்த தொழிலதிபர்கள், கொள்கை வகுப்பாளர்கள், நிபுணர்கள் உள்ளிட்டோர் கலந்துகொண்டுள்ளனர். இன்று முதல் 12ஆம் தேதி வரையில் நடக்கிறது. உலக நாடுகளில் உள்ள தொழில் வாய்ப்புகளை மேம்படுத்துவதுடன், நாடுகளுக்கு இடையேயான நட்புறவை பலப்படுத்துவதற்கும் இந்த மாநாடு பயனளிக்கும் என்று தெரிவிக்கப்பட்டுள்ளது.

இதையும் படிங்க: மலையாள சினிமாவின் முதல் நடிகையான பி.கே.ரோஸிக்கு டூடுள் வெளியிட்ட கூகுள்