காந்திநகர்: குஜராத் மாநிலம் பிலோதாவில் 10 வருடங்களுக்கு முன்பு விவசாயி ஒருவரது கிணற்றில் இருந்து துர்நாற்றம் வீசியுள்ளது. இதுகுறித்து தகவல் அறிந்த பிலோதா காவல் துறையினர், சம்பவ இடத்துக்கு வந்து கிணற்றை சோதனையிட்டனர். அப்போது உடல் பாகங்கள் வெட்டப்பட்ட நிலையில் கிடந்ததை உறுதி செய்தனர். அதில் ஒரு பெண்ணின் கையில் HP என எழுதப்பட்டிருந்தது.
இதனையடுத்து விசாரணையை முடுக்கிய காவல் துறையினர், உயிரிழந்த பெண் ஹசுமதி என்பதை கண்டுபிடித்தனர். இதன் அடிப்படையில், அவரது கணவரும் காவல்துறை அலுவலருமான அரவிந்த் மார்டா தாமூர் என்பவரை பிடித்து காவல் துறையினர் விசாரித்தனர். அதில், தனக்கும் தனது மனைவிக்கும் ஏற்பட்ட தகராறின்போது, மனைவி மற்றும் தனது 5 வயது குழந்தையை அரவிந்த் கொலை செய்துள்ளார்.
