தன்னலமற்ற மருத்துவருக்கு உதவிக்கரம் நீட்டிய ம.பி. அரசு!

போபால்: முன்களப் பணியாளரான மருத்துவர் சத்யேந்திர மிஸ்ராவுக்கு கரோனா இருப்பது கண்டறியப்பட்டுள்ளதைத் தொடர்ந்து அவர் மத்தியப் பிரதேசத்திலிருந்து ஹைதராபாத்திற்கு விமானம் மூலம் அழைத்துச் செல்லப்பட்டுள்ளார்.

கடந்த ஓராண்டு காலமாக கரோனாவால் பாதிக்கப்பட்டவர்களுக்குச் சிகிச்சை அளித்துவந்தவர் மத்தியப் பிரதேச மாநிலத்தைச் சேர்ந்த மருத்துவர் சத்யேந்திர மிஸ்ரா. பந்தேல்கண்ட் பகுதியில் உள்ள மக்களுக்கு அவர் சிகிச்சை அளித்துவருகிறார். இந்தநிலையில், அவருக்கு கரோனா இருப்பது கண்டறியப்பட்டுள்ளது.