சத்தீஸ்கர் மாநிலம் துர்க் மாவட்டத்தில் உள்ள பத்தேனா கிராமத்தில் ஒரே குடும்பத்தைச் சேர்ந்த 5 பேர் உயிரிழந்துள்ளதாக அப்பகுதி காவல்துறையினருக்கு தகவல் கிடைத்தது. அதனடிப்படையில் அங்கு விரைந்த காவல்துறையினர் உடல்களை மீட்டு அருகிலுள்ள மருத்துவமனைக்கு அனுப்பிவைத்தனர்.
இது குறித்து காவலர்கள் கூறுகையில், "உயிரிழந்தவர்களின் பெயர்கள் ராம் பிரிஜ் கெய்க்வாட்(52), அவரது மனைவி ஜான்கி பாய்(47), மகன் சஞ்சு(24), மகள்கள் ஜோதி (21), துர்கா (28) என அடையாளம் காணப்பட்டுள்ளது.
அதில், பெண்கள் மூன்று பேரின் உடல்கள் எரிந்த நிலையிலும், ஆண்களின் உடல்கள் தூக்கு மாட்டிய நிலையிலும் மீட்கப்பட்டுள்ளன. அவர்களது வீட்டில் கண்டுபிடிக்கப்பட்ட கடிதத்தின் மூலம் நிதிநெருக்கடி காரணமாக இச்சம்பவம் நிகழ்ந்துள்ளது. மேலும் தீவிர விசாரணை நடைபெற்று வருகிறது" எனத் தெரிவித்தனர்.
இதையும் படிங்க: குழந்தைகளை கொன்று தற்கொலை செய்துகொண்ட பெண்
