கூண்டோடு காலியாகும் திரிணாமுல் காங்கிரஸ்...பாஜகவை நோக்கி செல்லும் எம்எல்ஏக்கள்!

மேற்குவங்கத்தில் திரிணாமுல் காங்கிரஸ் கட்சியைச் சேர்ந்த மேலும் ஐந்து எம்எல்ஏக்கள், பாஜகவில் இணைந்துள்ளனர்.

கொல்கத்தா: மேற்குவங்கத்தில் சட்டப்பேரவை தேர்தல் எட்டு கட்டங்களாக நடைபெறவுள்ளது. ஆளும் திரிணாமுல் காங்கிரஸ் கட்சியின் மூத்த தலைவர்கள் பாஜகவில் இணைவது அக்கட்சிக்கு கடும் நெருக்கடியை அளித்துள்ளது. இன்று, மேலும், ஐந்து சட்டப்பேரவை உறுப்பினர்கள் பாஜகவில் இணைந்துள்ளனர்.

மேற்குவங்க பாஜக மாநில தலைவர் திலீப் கோஷ், மூத்த தலைவர்கள் சுவேந்து அதிகாரி, முகுல் ராய் ஆகியோர் முன்னிலையில் திரிணாமுல் காங்கிரஸ் கட்சி சட்டப்பேரவை உறுப்பினர்களான சோனாலி குஹா, ரவீந்திரநாத் பட்டாச்சார்யா, ஜட்டு லஹிரி, தீபேண்டு பிஸ்வாஸ், சிதல் சர்தார் ஆகியோர் அக்கட்சியில் இணைந்தனர்.