நம்நாட்டில் கரோனா தடுப்பு முன்னெச்சரிக்கை நடவடிக்கையாக கோவிஷீல்டு, கோவாக்ஸின் ஆகிய இரண்டு வகையான தடுப்பூசிகள் பெரும்பாலும் மக்களுக்கு செலுத்தப்படுகின்றன.
இதில் கோவிஷீல்டு தடுப்பூசியின் முதல் டோஸிற்கும், இரண்டாம் டோஸிற்குமான இடைவெளி, முதலில் 4 முதல் 6 வாரங்களாக இருந்தது. அதன் பின், 6 முதல் 8 வாரங்களாக மாற்றப்பட்டது.
தற்போது அதன் இடைவெளி 12 -16 வாரங்களாக இருக்கிறது. இந்நிலையில் பெரும்பாலான மக்கள் தடுப்பூசியைச் செலுத்தும் வகையில் இந்திய மருந்துகள் கட்டுப்பாட்டு ஆணையம், அதன் இடைவெளியைக் குறைக்க மத்திய அரசுக்குப் பரிந்துரைந்துள்ளது.
மத்திய அரசின் புதுமுடிவு
சில ஆய்வுகளின் அடிப்படையில் கோவிஷீல்டு தடுப்பூசிக்கான கால இடைவெளி குறைக்க வாய்ப்புள்ளதாக மத்திய நிதி ஆயோக் உறுப்பினர் வி.கே.பால் தகவல் கூறியதாக நம்பத்தகுந்த வட்டாரங்கள் தகவல் தெரிவிக்கின்றன.
மத்திய அரசால் மே 1ஆம் தேதி பிறகு, 18 வயதை எட்டியோருக்கு தடுப்பூசி செலுத்தும் திட்டம் செயல்படுத்தப்பட்டது. இந்த கால இடைவெளி குறைப்பின்மூலம் கோவாக்ஸின் தடுப்பூசியின் கால இடைவெளியில் எந்த மாற்றமும் இல்லை என்பது குறிப்பிடத்தக்கது.
இதையும் படிங்க: இந்தியாவில் போலி கோவிஷீல்டு விற்பனை படுஜோர்: எச்சரிக்கும் உலக சுகாதார அமைப்பு
