டெல்லியின் வடகிழக்குப் பகுதியில் உள்ள ரோகினி நீதிமன்ற வளாகத்தில் நேற்று (செப் 24) நடைபெற்ற துப்பாக்கிச் சூட்டில் மூவர் கொல்லப்பட்டனர். ஜிதேந்தர மான் கோகி எனும் ரவுடியை குறிவைத்து அவரது எதிர்தரப்பு மேற்கொண்ட தாக்குதலில் இந்த அசம்பாவிதம் ஏற்பட்டுள்ளது.
பாதுகாப்பு பலமாக உள்ள நீதிமன்ற வளாகத்தில் இதுபோன்ற வன்முறைச் சம்பவம் அரங்கேறியது நாடு முழுவதும் பெரும் அதிர்வலைகளை ஏற்படுத்தியது. இது தொடர்பாக உச்ச நீதிமன்ற தலைமை நீதிபதி ரமணா தனது வருத்தத்தை பதிவு செய்துள்ளார்.
இது குறித்து தலைமை நீதிபதி ரமணா, "இந்த சம்பவம் தொடர்பாக டெல்லி உயர் நீதிமன்ற நீதிபதி டி என் படேலிடம் பேசினேன். காவல்துறையினர், பார் அமைப்பு நீதிமன்ற பாதுகாப்பை உறுதி செய்ய அறிவுறுத்தியுள்ளேன்.
