மத்திய அரசு இன்று உழவர் சங்கத்துடன் பேச்சுவார்த்தை நடத்த முடிவு!

டெல்லி: வேளாண் திருத்தச் சட்டங்களை எதிர்த்துப் போராட்டம் நடத்தி வரும் உழவர் சங்கத்துடன் மத்திய அரசு இன்று (டிச.01) பேச்சுவார்த்தை நடத்தவுள்ளது.

வேளாண் திருத்தச் சட்டங்களுக்கு எதிர்ப்புத் தெரிவித்து விவசாயிகள் பஞ்சாப், ஹரியானா, டெல்லி உள்ளிட்ட மாநிங்களில் போராட்டம் நடத்திவருகின்றனர்.

இதையடுத்து, மத்திய அரசு டிசம்பர் 3ஆம் தேதி பேச்சுவார்த்தைக்காக அழைத்த நிலையில் விவசாயிகள் அதற்கு மறுப்புத் தெரிவித்துவிட்டனர். அந்தப் பேச்சுவார்த்தைக்கு விதிக்கப்பட்டுள்ள கட்டுப்பாடுகள், தங்களை அவமதிப்பதுபோல் உள்ளதாகத் தெரிவித்திருந்தனர்.

இந்நிலையில், மத்திய அரசு இன்று (டிச.01) உழவர் சங்கத்துடன் பேச்சுவார்த்தை நடத்த முடிவு செய்துள்ளது. தற்போது வரை மத்திய அரசுக்கும், உழவர் சங்கப் பிரதிநிதிகளுக்கும் இடையே நடந்த மூன்று சுற்று பேச்சுவார்த்தைகளில் எந்தப் பலனும் கிடைக்கவில்லை எனவும் கூறப்படுகிறது.

இதையும் படிங்க: விவசாயிகள் பிரச்னை; அமித் ஷா, நரேந்திரசிங் தோமர், ஜேபி நட்டா ஆலோசனை!