ஹைதராபாத்: தெலங்கானா மாநிலம் அல்காபுரியிலுள்ள டாடா ஷோரூமிற்கு, வாடிக்கையாளர் ஒருவர், முன்பதிவு செய்திருந்த காரை டெலிவரி எடுக்க வந்துள்ளார். அப்போது, மேல் தளத்தில் வைத்து காரின் சிறப்பம்சங்கள் குறித்து விற்பனையாளர்கள் விளக்கிக் கொண்டிருந்தனர்.
முதல் தளத்திலிருந்து கீழே பாய்ந்த கார்
வாகனத்தில் அமர்ந்திருந்த வாடிக்கையாளர், காரின் கியரை டிரைவ் மோடுக்கு மாற்றி ஆக்சிலேட்டரைத் தவறாக அழுத்தியுள்ளார். அவ்வளவுதான், கார் வேகமாகச் சென்று முதல் தளத்திலிருந்து தலைக்குப்புற கவிழ்ந்து கீழே விழுந்தது.
இந்த விபத்தில், காரை இயக்கிய நபரும், ஷோரூமிற்கு வெளியே நின்றுகொண்டிருந்த மற்றொரு நபரும் காயமடைந்தனர். அவர்கள் சிகிச்சைக்காக மருத்துவமனையில் அனுமதிக்கப்பட்டுள்ளனர்.
இந்த விபத்தினால் அப்பகுதியில் சிறிது நேரம் போக்குவரத்து பாதிப்பு ஏற்பட்டது. இச்சம்பவத்தின் சிசிடிவி காட்சி வெளியாகி பரபரப்பை ஏற்படுத்தியுள்ளது.
இதையும் படிங்க: டெலிபோன் ஒட்டுக்கேட்பு- நீதி விசாரணை கோரும் காங்கிரஸ்!
