வலையில் சிக்கிய திமிங்கலம்

புதுச்சேரியில் மீனவரின் வலையில் இரண்டரை டன் எடை கொண்ட திமிங்கலம் சிக்கியது.

புதுச்சேரி: தேங்காய்த்திட்டு துறைமுகத்திலிருந்து சரவணன் என்ற மீனவர் தலைமையில் நான்கு பேர் மீன்பிடிக்க கடலுக்கு சென்றனர்.

25 கிலோ மீட்டர் தூரம் சென்று மீன்பிடித்த போது, அவர்களது வலையில் பெரிய அளவிலான மீன் சிக்கியது. வலையின் அளவை விட மீன் எடை அதிகமாக இருந்தால் படகுடன் மீனை துறைமுகம் வரை அவர்கள் இழுத்து வந்தனர்.

தேங்காய்த்திட்டு துறைமுகத்திற்கு வந்து பார்த்த போது 20 அடி நீளமுள்ள திமிங்கலம் சிக்கி இறந்து நிலையில் இருந்தது தெரியவந்துள்ளது. கோம ராசி இனத்தைச் சேர்ந்த இந்த திமிங்கலம் இரண்டரை டன் எடை கொண்டது.

இதனையடுத்து அங்கு சென்ற காவல் துறையினர், வனத்துறைக்கு தகவல் தெரிவித்தனர். பிரேத பரிசோதனைக்கு பிறகு திமிங்கலம் துறைமுகத்தில் அடக்கம் செய்யப்பட்டது.

இதையும் படிங்க: துப்பாக்கி முனையில் கொள்ளை சம்பவம் - 12ஆம் வகுப்பு மாணவன் உள்பட இருவர் கைது