புதுச்சேரி வில்லியனூரில் தனியார் தொழிற்சாலை அருகே உள்ள சாலையில் கண்டமங்கலம் நோக்கி வேகமாக சென்ற டாட்டா சுமோ வாகனம் கட்டுப்பாட்டை மீறி, மிதிவண்டியில் வந்த பங்கூர் சந்திரசேகரன்(35), இருசக்கர வாகனத்தில் வந்த கலித்தீர்த்தான்குப்பம் காளிதாஸ்(25), அவரது அம்மா கல்பனா(45) ஆகியோர் மீது வேகமாக மோதியது.
பின்னர் மூவரும் தூக்கி வீசப்பட்டு கீழே விழுந்தனர். விபத்தில் காளிதாஸ், சந்திரசேகர் ஆகியோர் சம்பவ இடத்திலேயே உயிரிழந்தனர். உடனே விபத்தை ஏற்படுத்திய காரில் வந்த இரண்டு பேர் தப்பி ஓடி விட்டனர்.
படுகாயமடைந்த கல்பனாவை சக வாகன ஓட்டிகள் மீட்டு அரசு மருத்துவமனையில் சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. விபத்து குறித்து தகவலறிந்த காவல் துறையினர் காளிதாஸ், சந்திரசேகர் ஆகியோர் உடலை மீட்டு அரசு மருத்துவமனைக்கு உடற்கூறு ஆய்விற்கு அனுப்பி வைத்தனர். மேலும் விபத்து தொடர்பாக கண்டமங்கலம் காவலர்கள் வழக்குப் பதிவு செய்து விசாரணை மேற்கொண்டு வருகின்றனர்.
இந்த விபத்து தொடர்பான சிசிடிவி காணொலி வெளியாகி உள்ளது. அதில் வாகனம் மோதி இருவர் தூக்கி வீசப்படும் காட்சிகள் பார்ப்போரை அதிர்ச்சியடைய வைத்துள்ளது.
இதையும் படிங்க: கரோனா பீதி: வீட்டில் தனிமைப்படுத்தப்பட்ட மூதாட்டி தற்கொலை
