நடுக்கடலில் தீப்பிடித்த விசைப்படகு

அமராவதி: நடுக்கடலில் விசைப்படகு தீப்பிடித்து எரிந்த சம்பவம் பரபரப்பை ஏற்படுத்தியுள்ளது.

ஆந்திர பிரதேச மாநிலம் விசாகப்பட்டினம் துறைமுகத்தில் விசைப்படகு ஒன்று 20 துறைமுக ஊழியர்களை ஏற்றிச்சென்றது. விசைப்படகு நடுக்கடலில் சென்று கொண்டிருந்தபோது திடீரென தீ பற்றி எரிந்தது.

இதனைக் கண்டு அதிர்ச்சியடைந்த துறைமுக அலுவலர்கள் விசைப்படகிலிருந்த ஊழியர்களை கடலில் குதிக்குமாறு கேட்டுக்கொண்டனர். அதன் பின்னர், மற்றொரு விசைப்படகினை அனுப்பி தீயை அணைத்து, துறைமுக ஊழியர்களை பத்திரமாக மீட்டனர். இதில், 5 பேர் படுகாயமடைந்தனர், 15 பேர் லேசான காயங்களுடன் உயிர் தப்பினர்.

நடுக்கடலில் ஏற்பட்ட இந்த தீ விபத்து குறித்து துறைமுக காவல் துறையினர் வழக்குப்பதிவு செய்து விசாரணை மேற்கொண்டுவருகின்றனர்.