மருத்துவக் கண்காணிப்பில் திரிணாமுல் காங்கிரஸ் எம்.பி.

கொல்கத்தா: வெளிநாடு சென்று திரும்பிய திரிணாமுல் காங்கிரஸ் கட்சியைச் சேர்ந்த நாடாளுமன்ற உறுப்பினரும் நடிகையுமான மிமி சக்ரபோர்த்தி மருத்துவக் கண்காணிப்பில் இருந்துவருகிறார்.

திரிணாமுல் காங்கிரஸ் கட்சியைச் சேர்ந்த நாடாளுமன்ற உறுப்பினரும் நடிகையுமான மிமி சக்ரபோர்த்தி படப்பிடிப்பிற்காக லண்டன், இங்கிலாந்து நாடுகளுக்கு சென்றிருந்தார்.

அதனை முடித்துக் கொண்டு நேற்று காலை மேற்கு வங்கம் திரும்பிய அவர் கோவிட்-19 முன்னெச்சரிக்கை நடவடிக்கையாக, தாமே முன்வந்து அடுத்த 14 நாள்கள் தம்மைத் தனிமைப்படுத்தி கொண்டு வீட்டில் மருத்துவக் கண்காணிப்பில் இருக்கப்போவதாக தெரிவித்ததாக அக்கட்சியின் செய்தி தொடர்பாளர் கூறியுள்ளார்.

மேற்கு வங்கத்தில் கடந்த செவ்வாய்க்கிழமை அன்று 18 வயது நபர் ஒருவருக்கு கோவிட்-19 தொற்று இருப்பது உறுதி செய்யப்பட்டுள்ளது. முன்னதாக அவர் பிரிட்டனுக்கு சென்றதாகக் கூறப்படுகிறது. இவரே மேற்கு வங்கத்தில் கோவிட்-19 தொற்றுப் பாதித்த முதல் நபர் என்பது குறிப்பிடத்தக்கது.

இதையும் பாருங்கள்: கரோனா வைரஸ் பற்றிய விழிப்புணர்வுப் பாடலை வெளியிட்ட புத்தர் கலைக் குழு