கேரளா மாநிலம், மலப்புரம் மாவட்டம், தென்னிபுலம் பகுதியைச் சேர்ந்த சிறுமி ஒருவர், அதே பகுதியில் உள்ள பள்ளியில் ஏழாம் வகுப்பு படித்து வருகிறார். இந்நிலையில் மாணவியின் நடவடிக்கையில் மாற்றம் தெரிவதை உணர்ந்த பெற்றோர், அவரை மருத்துவமனைக்கு அழைத்துச் சென்று பரிசோதனை செய்தனர். அப்போது அவர் கர்ப்பமாக இருப்பது தெரியவந்தது. பின்னர் அவரிடம் விசாரித்ததில் பள்ளி ஆசிரியர் ஒருவர் கடந்த இரண்டு மாதத்திற்கு முன்பு பாலியல் வன்புணர்வு செய்திருப்பதை அறிந்தனர்.
இதைத்தொடர்ந்து மாணவியின் பெற்றோர் அளித்த புகாரின் பேரில் போக்சோ சட்டத்தின் கீழ் வழக்குப் பதிவு செய்த காவல்துறையினர், அவரை தேடி வருகின்றனர். சம்பந்தப்பட்ட ஆசிரியர் வெளிநாடு தப்பிச் சென்றதாக கூறப்படுகிறது.
