பிரதமர் மோடி குறித்து ஆட்சேப கருத்து: தந்தை, மகன் கைது!

டெல்லி: பிரதமர் நரேந்திர மோடி குறித்து ஆட்சேப கருத்து பதிவிட்ட தந்தை மகனை காவலர்கள் கைது செய்து சிறையில் அடைத்தனர்.

உத்தரப் பிரதேச- டெல்லி பகுதியான நொய்டா கோட்வாலி இரண்டாவது பகுதியிலுள்ள ஷிரமிக் குஞ்ச் என்ற இடத்தில் அப்துல் சலாம், அவரது மகன் ரஹ்மத் ஆகியோர் வசித்துவருகின்றனர்.

இவர்கள் சமூக வலைதளமான வாட்ஸ் அப்பில் பிரதமர் நரேந்திர மோடி குறித்து ஆட்சேப கருத்து பதிவிட்டதாக பகுதி 93இல் வசிக்கும் நபர் ஒருவர் அப்பகுதியிலுள்ள காவல் நிலையத்தில் புகார் அளித்தார்.

அந்தப் புகாரின் அடிப்படையில் பேச்சுரிமை மற்றும் தகவல் தொழில்நுட்பத்தை தவறாக பயன்படுத்துதல் உள்ளிட்ட பிரிவுகளின் கீழ் வழக்குப்பதிவு செய்தனர்.

இதையடுத்து அப்துல் சலாம் மற்றும் அவரது மகன் ரஹ்மத் ஆகியோரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.