நாடு முழுவதும் ஏழு கட்டங்களாக மக்களவைத் தேர்தல் நடைபெற்றுவருகிறது. இதுவரை இரண்டு கட்ட தேர்தல் முடிவடைந்துள்ள நிலையில், இன்று மூன்றாம் கட்டமாக, கேரளா, குஜராத் உள்ளிட்ட 14 மாநிலங்களுக்கு வாக்குப்பதிவு நடந்துவருகிறது. பெருவாரியான வாக்காளர்கள் ஆர்வத்துடன் தங்களது வாக்குகளை பதிவு செய்துவருகின்றனர்.
மேலும், காங்கிரஸ் தலைவர் ராகுல் காந்தி மற்றும் பாஜக தேசிய தலைவர் அமித்ஷா போட்டியிடும் தொகுதிகளுக்கும் இன்று வாக்குப்பதிவு நடப்பதால் மூன்றாம் கட்ட தேர்தல் பலத்த எதிர்பார்ப்பை ஏற்படுத்தியுள்ளது.
இந்நிலையில், குஜராத் மாநிலம் காந்திநகர் தொகுதிக்குட்பட்ட அகமதாபாத்தில் பிரதமர் நரேந்திர மோடி மக்களுடன் வரிசையில் நின்று தனது வாக்கை செலுத்தினார்.
