உலகில் எளிய விஷயத்தையும் வித்தியாசமான முறையில் செய்ய வேண்டும் என்று நினைக்கும் மனிதர்களுக்காகவே பிரத்யேகமாக, பறக்கும் உணவகத்தை உருவாக்கியுள்ளனர். உத்தரப்பிரதேசத்தில் உள்ள நொய்டா பகுதியில் சாகசம் விரும்பும் வாடிக்கையாளர்களுக்கு ஏற்றவகையில் 160 அடி உயரத்தில் 'ஃப்ளை டைனிங்' (Fly Dining) என்று அழைக்கப்படும் பறக்கும் உணவகத்தை உருவாக்கியுள்ளனர்.
இந்த உணவகம் தரை மட்டத்திலிருந்து சுமார் 160 அடி உயரத்தில் பறந்து கொண்டிருக்கும் வகையில் உருவாக்கப்பட்டுள்ளது. இந்த உணவகத்தில் வாடிக்கையாளர்கள் அமர்வதற்கு 24 இருக்கைகளும், உணவு பரிமாறுபவர்களுக்கு நடுவில் ஒரு பகுதியும் ஒதுக்கப்பட்டுள்ளன. இந்த உணவகம் கிரேன் உதவியுடன் அந்தரத்திற்கு தூக்கிச் செல்லப்படும். மேலும் உணவகத்தில் சாப்பிடுவதற்கு பல்வேறு கட்டுப்பாடுகளும் விதித்துள்ளது விடுதி நிர்வாகம்.
- ஃப்ளை டைனிங்கில் அமர்ந்து அதிகபட்சமாக 40 நிமிடங்கள் மட்டுமே உணவு சாப்பிட முடியும்.
- கர்ப்பிணிகள், குழந்தைகள் இருந்தால் 4 அடி உயரத்துக்கு மட்டுமே உயர்த்தப்படும்.
- மாலை 6 மணி முதல் இரவு 10 மணி வரை மட்டுமே உணவகத்தில் சாப்பிட அனுமதி அளிக்கப்படும்.பறக்கும் உணவகத்தில் வாடிக்கையாளர்கள்
இதைப் பற்றி உணவக உரிமையாளர் கூறுகையில், "நான் ஒரு முறை துபாயில் பறக்கும் உணவகத்தில் சாப்பிட்டு மிகவும் மகிழ்ச்சியடைந்தேன். இதனால் நமது நாட்டிலும் அதுபோன்ற உணவகத்தைக் கொண்டு வரவேண்டும் என முடிவு செய்தேன். பின்னர் ஜெர்மன் வல்லுநர்களின் ஆலோசனையோடு இரண்டு ஆண்டுகளில் வெற்றிகரமாக உணவகம் திறக்கப்பட்டுள்ளது. உணவகத்தில் பாதுகாப்புக்கு பெரும் கவனம் செலுத்தப்பட்டுள்ளது. இதில் பயன்படுத்தப்படும் உபகரணங்கள் அனைத்தும் ஜெர்மனியிலிருந்து கொண்டு வரப்பட்டுள்ளது. மேலும் உணவகத்தைத் தூக்கும் கிரேன், துபாயிலிருந்து பிரத்யேகமாகக் கொண்டு வரப்பட்டுள்ளது" எனத் தெரிவித்தார்.
- " class="align-text-top noRightClick twitterSection" data="">
உணவகத்தில் சாப்பிட நபர் ஒருவருக்கு குறைந்தபட்சமாக ரூ. 2,499 கட்டணம் வசூலிக்கப்பட்டு வருகிறது. தற்போது ஃப்ளை டைனிங் உணவகம் மக்கள் மத்தியில் பெரும் வரவேற்பைப் பெற்றுள்ளது. பெங்களூருவில் இதே மாதிரி பறக்கும் உணவகம் இருப்பது குறிப்பிடத்தக்கது.
இதையும் படிங்க: சிறகுகள் வேண்டாம்... ஹோவர்போர்டு போதும்..! ஆங்கிலக் கால்வாயைக் கடந்து விஞ்ஞானி சாதனை
