தெலங்கானாவின் ஹைதராபாத் - பெங்களூரு தேசிய நெடுஞ்சாலையில் உள்ளது சர்தார் வல்லபாய் படேல் தேசிய காவல் பயிற்சியகம். குடிமைப் பணி தேர்வுகளில் (சிவில் சர்வீஸ்) வெற்றிபெறும் ஐபிஎஸ் அலுவலர்கள் இங்குதான் ஆரம்பப் பயிற்சிகளை மேற்கொள்ள வேண்டும்.
இந்நிலையில், தேசிய காவல் பயிற்சியகத்தின் இயக்குநராக மூத்த ஐபிஎஸ் அலுவலராக அபய் பொறுப்பேற்றுள்ளார். 1986ஆம் ஆண்டின் ஒடிசா கேடர் ஐபிஎஸ் அலுவலரான இவர், இதற்கு முன்னர் போதைப்பொருள் தடுப்புப் பிரிவு பொது இயக்குநராக இருந்தார்.
National police academy
முன்னதாக அவர், சி.ஆர்.பி.எஃப்.இல் காவல் கூடுதல் தலைமை இயக்குநராகவும் மத்திய அரசில் காவல் துறை ஆராய்ச்சி; மேம்பாட்டு பணியகத்தில் ஐஜியாகவும் இருந்துள்ளார் என்பது குறிப்பிடத்தக்கது.
