உத்தரப் பிரதேசம் மாநிலம் பாக்பத் பகுதியைச் சேர்ந்த 17 வயதான சிறுமியை, ஒருவர் வலுக்கட்டாயமாக பாலியல் வன்புணர்வு செய்துள்ளார். அதுமட்டுமின்றி அவ்வப்போது சிறுமியை துன்புறுத்தியது மட்டுமன்றி வெளியே சொன்னால் கொன்றுவிடுவதாகவும் மிரட்டி வந்துள்ளார்.
இதனால், அச்சமடைந்த சிறுமி விஷம் குடித்து தற்கொலைக்கு முயன்றுள்ளார். உடனடியாக, சிறுமியை தனியார் மருத்துவமனையில் அனுமதித்தனர். பின்னர், மருத்துவமனையில் சுய நினைவுக்கு வந்த சிறுமி, தனது தந்தையிடம் நடந்தவைகளை கூறியுள்ளார்.
இதைத் தொடர்ந்து, சிறுமியின் தந்தை காவல் நிலையத்தில் புகார் அளித்துள்ளார். புகாரின் பேரில் நான்கு பிரிவுகளில் வழக்குப்பதிவு செய்த காவல் துறையினர் வாசிம் என்பவரை கைது செய்து விசாரணை மேற்கொண்டுவருகின்றனர்.
